Los testigos de Jehová: una historia de fe viva. Parte 2: Dejan brillar su luz
1919 watapi iñiqmasinchik Rutherfordpiwan amistadninkuna preso kasqankumanta lloqsiramuptinkum Biblia Estudiaqkunaqa huk sumaq llamkayta qallaykurqaku. Los testigos de Jehová: una historia de fe viva. Parte 2: Dejan brillar su luz nisqa videom qawachiwanchik sasachakuykunata atipasqankumanta, Bibliamanta yachayninku aswan yapakusqanmanta chaynataq iñiyninkupipas aswan allin kasqankumanta (Pro. 4:18; Mal. 3:1-3; Juan 15:20). Kay videota qawaruspaykiñataq kay tapukuykunata contestanaykipaq kallpanchakuy.
1) ¿Imakunatam Biblia Estudiaqkuna rurarqaku Diosmanta willakunankupaq? 2) ¿Imanasqataq 1931 hinaspa 1935 watapi asambleakunaqa mana qonqanapaq hina karqa? 3) ¿Imanasqataq ancha allin karqa 1939 watapi 1 noviembre inglespi lloqsimuq Llaqta Cuidaq revistaqa? 4) Madison Square Garden sutiyoq localpi wawqenchik Rutherford “Gobierno y paz” sutiyoq discursota qochkaptin ima pasakusqanmanta willamuy. 5) ¿Imanasqataq admirakuypaq karqa wawqenchik Knorrpa “Paz... ¿será duradera?” sutiyoq discursonqa? 6) ¿Imatam 1942 watapi testigokunaqa rurarqaku predicasqankuwan aswan runakunaman chayanankupaq? 7) Willarimuy Estados Unidos, Canadá hinaspa Grecia nacionkunapi quejakunaman chayasqankumanta. 8) ¿Imaynatam Galaad Escuelaqa yanapakurqa predicacion astawan apakunanpaq? 9) ¿Ima sumaq ruraytam qallaykurqaku 1946 watapi Jehová Diospa testigonkuna? ¿Imanasqa? 10) ¿Imakunatam rurarqaku Jehová Diospa testigonkunaqa Bibliapa nisqanman hina kawsanankupaq? 11) ¿Imakunam cambiakurqa 1970 watamanta ñawpaqman punta pachak watapi cristianokuna hina kanankupaq? 12) ¿Imanasqam seguro kawaq kayqa Diospa llaqtan kasqanmanta? Hinaspa ¿imaynatam kay video yanaparusunki Dios imayna dirigisqanta aswan allinta entiendenaykipaq? 13) ¿Imaynatam kay video kallpanchasunki sasachakuy kaptinpas Diosmanta ganaswan willakunaykipaq? 14) ¿Imaynatam kay videota servichikuwaq familiaykita, Biblia estudiaqkunata chaynataq huk runakunatapas yanapanaykipaq?
Tiempopa risqanman hinam Jehová Diospa testigonkunataqa aswan allinta runakunaqa reqsiwanchik. ¿Diosmanta willakusqanchikraykuchu reqsiwanchik? Llapallanchikyá kallpanchakusun ñawpaq tiempopi iñiqmasinchikkuna hina ‘tutayaypi kancharichkaq’ kananchikpaq (2 Cor. 4:6).