Conciencianchikta waqaychasun

1. ¿Ima sutiyoqtaq kanqa huk punchaw asambleanchikqa hinaspa imapim yanapawasun?

¹ Sapa punchawmi kallpanchakunchik conciencianchikta mana yanqachanapaq. 2013 watapi huk punchaw asambleanchikqa qallarinmi 2012 watapa septiembre killanmanta, sutinmi: “Conciencianchikta waqaychasun” (1 Tim. 1:19). Chay asambleaqa yanapawasunmi conciencianchikta imayna servichikusqanchikmanta yuyaymananapaq.

2. ¿Imakunamantam asambleapi yachasun?

² ¿Ima tapukuykunamantam yachasun? Asambleaqa concienciamanta qanchis tapukuykunatam kutichinqa:

• ¿Imakunataq conciencianchikta yanqacharunman?

• ¿Imataq yanapawasun conciencianchikta yachachinapaq?

• ¿Imata ruraspataq runakuna wañunankumanta mana huchayoq kachwan?

• ¿Imatam qawachinchik Bibliapa nisqanpi yuyaymanaspaqa hinaspa yanapawananchikpaq saqekuspanchikqa?

• ¿Imatam rurana hukkunapa conciencianta mana hukmanyachinapaq?

• ¿Imaynatam mozo-sipaskuna iñiyninkupi qaqa hina takyanmanku sasachakuykunapi?

• ¿Imaynam tarikunqaku Bibliapa nisqanman hina conciencianku yachachisqa kaptin?

3. ¿Imaynatam yanapachikuchwan huk punchaw asambleawan?

³ Satanasqa tukuytam rurachkan conciencianchikta yanqacharunanpaq, Jehová Diosmi ichaqa yanapawasun chaykunata atipanapaq. Payqa Palabranwan hinaspa llaqtanwanmi, kaynata niwanchik: “Kaymi ñan, chayninta puriychik”, nispa (Isa. 30:21). Jehová Diospa huk kaqnin yanapakuy qowasqanchikqa huk punchaw asambleapi yachachikuykunam. Chaymi kallpanchakunanchik kay asambleaman rinanchikpaq. Chaypi allinta uyariy hinaspa yuyaymanay imakunapiraq yanapachikunaykimanta. Chaymantapas familiaykiwan kaqmanta yuyariy yachasqaykita. Bibliapa nisqankunata kasukuspaqa allin concienciayoqmi kasun hinaspapas kay pachapi mana allin kaqkunatam atipasun (1 Ped. 3:16).