“Imaynatam revistawan predicachwan . . .”

Diosta Servinapaq Huñunakuypaqmi sapa killa lloqsimun revistanchikkunawan imayna predicanapaq. Kay yachachikuyqa manam sapa revistapa yachachikuyninkunamanta yuyarinapaqchu aswanqa imaynata munachinapaqmi. Kaymanta yachachiqqa kusisqam qallarinan pisi rimayllawan. Hinaspam huñunakuypi kaqkunata tapunan mayqen yachachikuykunawan predicanankupaq tanteasqankumanta rimarinankupaq. Rimarisqankuta uyariqkunañataqmi imayna predicanankupaq kaqta anotanmanku. Tukuyta mana rimanankupaqmi tapuwaq ima tapukuykunawan runakunata piensarichisqankumanta chaynataq chay tapukuyman hina mayqen textokunata leesqankumantapas rimarinankupaq. Hinaspa sapa revistamanta huk demostracionta rurachiy. Llapanchikmi kallpanchakunanchik tiempowan leemuspa revistakunamanta huñunakuypi rimarinanchikpaq. Chaynata ruraspaqa llapanchikmi kallpanchanakusun imaynata predicanapaq (Prov. 27:17).