Internetpi direccionninchikqa: lliw runakunata yanapananpaqmi

Jesucristom kamachiwarqanchik Diospa Gobiernonmanta ‘allin noticiata enterollan pachapi’ willakunapaq (Mat. 24:14). Chay noticiamanta willakunapaqmi Internetpi karqa: watchtower.org, jw-media.org hinaspa jw.org nisqa direccionkuna (2 Tim. 4:5). Kunanñataqmi quechua rimaypi chaykunaqa kachkan jw.org/quy nisqapi.

‘Enterollan pachapi.’ Iskay waranqa millon masnin runakunam Internetta servichikunku. Astawanraqmi mozo-sipaskunaqa imamanta yachay munasqankuta Internetpi maskanku. Bibliamanta yachay munasqankutam lliw runakuna jw.org nisqanpi tarinqaku. Chaynintakamam reqsinmanku Jehová Diospa llaqtanta chaynataq Bibliamanta estudiotapas mana qollqellapaq mañakunmanku. Kaymi yanapanqa allpantinpi predicaspa mana chayay atisqanchik runakunata Diosmanta yachanankupaq.

‘Llapallan nacionkunapi.’ Diosmanta ‘llapallan nacionpi’ yachachinapaqqa tukuy rikchaq rimaykunapim qellqanchikkuna kanan. Chayraykum jw.org nisqanta yaykuqkunaqa tarinqaku yaqa 400 rimaykunapi, manam pipas chaynataqa Internetpi churanchu.

Allinta yanapachikuy. Kay mosoq jw.org nisqanqa manam hukkunaman predicanallapaqchu, Testigokunatapas yanapawasunmi. Internetniki kaptinqa kallpanchaykikum jw.org nisqaman yaykuspayki, chaypi kaqta lliwta reqsinaykipaq. Imayna servichikuyta yachanapaqmi qatiqninpi kaqkuna yanapawasun.

[3 kaq paginapi dibujo]

(Imayna kasqanmanta yachanapaq qaway kay qellqata)

Kaynata maskay

1 Maskanapaq kasqanpi qellqay www.jw.org/quy nisqanta.

2 Imapas maskay munasqayki kaqpa hawachanpi ñitiy.

3 Celularniki otaq chayman rikchakuq kaqkuna Internetniyoq kaptinqa chaypipas maskay jw.org nisqanta. Chaykunapiqa cambianqam sayayninman hina rikurimunanpaq, yachachikuyninmi ichaqa hina kaqlla kanqa.