Diosmanta willakuspa jw.org nisqata qawachisun

Internetpim jw.org nisqapi castellano rimaypi kachkan “Bibliamanta yachachikuykuna”, chaypa ukunpim kachkan warmachakunapaq videokuna, takikuna hinaspa yachachinapaq yanapakuykunapas. ¿Ñachu kaykunata qawachispa Diosmanta willakurqanchikña? Watukusqanchik runakunapa warmachankuna kaptinqa qawachiy kay yanapakuykunata. Ichapas chayrayku jw.org nisqaman yaykuspa huk yanapakuykunatapas maskanmanku.

Huk iñiqmasinchikmi achka warmayuq warmiman hurqa 38 kaq Diospa gobiernonmanta noticiakuna qillqata, chayllam warmiqa leeyta qallaykurqa. Chay qillqa imamanta rimasqantam warmachakunapas yachayta munarqaku. Hinaptinmi iñiqmasinchikqa pisillapi willarqa hinaspam chay qillqapa tukuyninpi rikuriq jw.org nisqaman imayna yaykunankupaq qawachirqa. Chayta uyarispanmi warmiqa uyarayarurqaraq hinaptinmi iñiqmasinchikqa Calebmanta rimaq huk kaqnin videota celularninpi qawaykachirqa.

Huk iñiqmasinchikpas achka wawayuq llamkaqmasinmanmi jw.org nisqamanta willarqa. Ayllukunapaq yanapakuykunata chaypi tarinanmantam nirqa. Chay warmiqa warmankunapiwanmi internetman yaykurqaku. Hinaspam iñiqmasinchikman willarqa warmankunaqa chaypi uyarisqanku “Diosmanta willakuy” takita takistin purisqankuta.

Ancha allinmi jw.org nisqapi kayman sapa kuti yaykuyqa hinaspa videokunata, takikunata chaynataq huk yanapakuykunatapas hurquyqa. Chayta ruwaspaqa allintam yanapachikusun Diosmanta willakusqanchikpi (Hech. 20:19).