Internetpi direccionninchikqa: yanapanmi predicanapaq

Hukkunata kallpanchay direccionninchikman yaykunankupaq. Wakin runakunaqa manapaschá willasqanchikta uyariyta munanqachu nitaq mayqen qellqanchik chaskikuytapas. Ichapas ñoqanchikmanta yachayta munanmanku Internetpi. Atikuptinqa kallpanchay jw.org nisqanta maskanankupaq.

Tapukuykunata kutichinapaq servichikuy. Predicasqanchik lawpi runakuna ñoqanchikmanta yachayta munaptinkuqa computadoranpi otaq celularninpi otaq chayman rikchakuq kaqkunapi yachay munasqanta qawachiy. Ichaqa aswan allinmi Bibliamanta leepuspa tapukuynin contestayqa. Internetnin mana kaptinqa explicay jw.org nisqanta imaynata maskananpaq. (Maskay “Enseñanzas bíblicas/Preguntas sobre la Biblia” otaq “Sobre nosotros/Preguntas frecuentes” nisqanpi.)

Apachiytaq qellqakunatapas reqsisqaykikunaman. Apachiwaqmi Internetpi PDF otaq EPUB nisqanpi mayqen yachachikuytapas. Uyarinapaq kaqkunatapas horqowaqmi CD nisqapi grabanaykipaq. Manaraq bautizasqaman, librokunata, revistakunata otaq folletokunata Internetnintakama apachispaqa hayka apachisqaykitapas informawaqmi, ichaqa enteronta apachispallaykim. Kaytaqa asllatam hinaspa sutikitawanmi apachinayki. Manataqmi Internetpi huklawkunamanqa churanaykichu. (Maskay “Qellqakuna” nisqanpi.)

Qawachiy chayllaraq lloqsimuq noticiakunata. Chayqa yanapanqam estudiachisqayki otaq kaqmanta watukusqaykikunata Allpantinpi willakusqanchikta chaynataq Diosta huk sonqolla servisqanchiktapas chaninchanankupaq (Sal. 133:1). (Maskay “Noticias” nisqanpi.)

[5 kaq paginapi]

(Imayna kasqanmanta yachanapaq qaway kay qellqata)

Kaynata maskay

1 “Qellqakuna” nisqanpa hawanpi ñitiy, leenaykipaq otaq uyarinaykipaq kaqta horqonaykipaq.

2 “MP3” nisqanpi ñitiptikim yachachikuykuna rikurinqa, horqoyta munaspaqa yachachikuypa hawanpi ñitiy, uyariyta munaspañataq kaypa ▸ hawanpi ñitiy.

3 Huk rikchaq rimaypi horqoyta munaspaqa idiomakunapa listapi maskay.