¿Atiwaqchu precursor auxiliar kayta?
1. ¿Imanasqataq Jesuspa wañukusqanta yuyarina killapi astawan predicayqa allinpuni?
1 Jesuspa wañukusqanta yuyarinapaq killapim astawan predicayta atichwan. Chay killapim yuyaymananchik Jehova Dios kuyawasqanchikrayku Churinta rantinchikpi wañuyman entregaykusqanmanta (Juan 3:16). Sonqomanta agradecekusqanchikmi kallpanchawanchik Jehova Diosmanta hinaspa kunan tukuy ima ruwasqanmanta runamasinchikman willanapaq (Is. 12:4, 5; Luc. 6:45). ¡Kusikuypaqmi Jesuspa wañukusqanta yuyarinapaq huñunakuyman vecinonchikkunata, ayllunchikkunata hinaspa reqsinakusqanchikkunata invitayninchikqa! Chaymantapas, chay huñunakuyman riqkunatam hinalla yanapana Diosta reqsinankupaq. ¿Imanasqataq mana kallpanchakunkichu marzo, abril otaq mayo killapi precursor auxiliar kanaykipaq?
2. ¿Imanasqam marzo killaqa ancha allin kanman precursor kanapaq?
2 Marzo killata allinta servichikusun. Marzo killaqa allinmi kanqa precursor kanapaq, akllawaqmi kimsa chunka horata otaq pichqa chunka horata ruwanaykipaq. Chay killapi congregacionkunata watukuq anciano watukamuptinqa, precursor regularkunawan hinaspa precursor especialkunawan huñunakuymanmi llapanman rinqaku precursor auxiliarkunapas. Jesuspa wañukusqantam 2013 watapi yuyarisunchik martes 26 marzo killapi, chaypaqmi invitayta qallaykusunchik 1 marzomanta. Pasaq watakunamantaqa aswan achka punchawkunaraqmi invitasun. Chay killapiqa pichqa sabado hinaspa pichqa domingom kachkanpas. Diosmanta willakunapaq marzo killapi kallpanchakuspanchikqa anchatam kusikusunchik.
3. ¿Imakunatam ruwana astawan predicanapaq?
3 Kunanmanta tanteayña. Tanteanaykiñam precursor kanaykipaq imakuna ruwanaykimantaqa. Familiantinmi yanapanakunanchik, chaymi ancha allin kanman llapanchikpa ima ruway munasqanchikmanta Familiawan Diosta Yupaychana Tutapi rimayninchikqa hinaspa tiemponchikmanta tanteayninchikpas (Prov. 15:22). Precursor auxiliar kayta mana atispaqa ama hukmanyaychu. Ichaqa, ¿atiwaqchu aswan achka tiempotawan predicayta? Otaq, ¿atiwaqchu lunesmanta vierneskama huknin punchawpi lloqsiytapas?
4. Marzo, abril hinaspa mayo killakunapi astawan predicaspaqa, ¿ima bendicionkunatam chaskisun?
4 Marzo, abril hinaspa mayo killakunapi astawan predicaspanchikqa, aswan kusisqam kasun Jehova Diostawan runamasinchikta servisqanchikrayku (Juan 4:34; Hech. 20:35). Jehova Diosta servinapaq tukuy ima ruwasqanchikmi payta kusichinqa, chaymi imamantapas aswan allinqa (Prov. 27:11).