Jesuspa wañukusqanta yuyarinapaqmi invitayta qallarisun marzo killapa qallariynin punchawmanta
1. ¿Haykapim invitayta qallarisun, hinaspa imanasqam kay watapiqa achka punchawkuna invitasun?
1 Jesuspa wañukusqantam yuyarisun marzo killapa 26 punchawninpi, chaypaqmi invitayta qallaykusun marzo killapa viernes punta kaq punchawninmanta. Kunan wataqa aswan achka punchawkunam invitasun. Yaqapaschá yanapawasun aswan achka runakunata invitanapaq, aswanraqmi congregacionninchikpa predicanan achka kaptinqa.
2. ¿Imaynatam predicasqanchik lawpi invitasun? ¿Maymantam horqosun invitacionkunataqa?
2 Imaynatam ruwana. Ancianokunam tanteanqaku predicasqanchik lawpi llapan wasikunapi invitanapaq hinaspa wasiyoqkunata mana tarispa invitacionta saqenapaq otaq manapas. Lliw wasikunapi invitayta tukuruspanchikqa achka runakunapa kasqanpipas aypuchwanmi. Predicacionmanta cuentallikuq ancianom invitacionkunata churachinqa qellqanchikkuna horqona sitiopi, chaymantam predicaqkunaqa horqonqaku. Invitacionpiqa ninqañam Jesuspa wañukusqanta yuyarinapaq maypi hinaspa imay hora kananmanta. Manam huk kutillapichu llapanta churana kanqa. Semanapaq kamaqllatam horqona kanqa.
3. ¿Imatam yuyarinanchik invitacionta aypuspanchikqa?
3 Imaynatam invitacionta qochwan. Allinmi kanman pisillapi rimayninchikqa, chaynapi aswan achka runakunaman invitananchikpaq. Invitacionta imayna qonamanta yanapakuytam 4 kaq paginapi tarisunchik. Ichaqa, pi runapas sumaq simiwan chaskiwaptinchikqa otaq tapuwaptinchikqa parlarichwanmi. Invitacionta aypunanchik killapi semana tukuyta predicaq lloqsispaqa qochwantaqmi revistanchiktapas. Marzo killapa punta kaq sabadonpiqa invitacionta aypunapaqmi kallpanchakunanchik, estudiota munachinamantaqa.
4. ¿Imanasqataq tukuy sonqowan invitacionta aypuna?
4 Jesuspa wañukusqanta yuyarinapaq huñunakuyman achka runakuna hamunantam munanchik. Chaypim yachasun Jesucristopa imakuna ruwasqanmanta (1 Cor. 11:26). Qawasuntaqmi wañusqanwan imayna yanapawasqanchikta (Rom. 6:23). Chaynataq Jesusta yuyariy imanasqa ancha allin kasqantapas (Juan 17:3). ¡Llapanchikyá marzo killapiqa tukuy sonqowan invitacionta aypusunchik!