¿Pipaqtaq allin kanman kay yachachikuy?
1. ¿Imapim piensana revistanchikkunata leespa hinaspa imanasqam chayta ruwana?
1 Willakuq hinaspa ¡Rikchariy! revistanchikkunam enteron allpapi runakunapaq ruwasqa kachkan. Chaymi tukuy rikchaq yachachikuykunamanta willakun. Hinaptinqa, leespanchikmi piensana sapa yachachikuy pipaq allin kasqanta hinaspa predicaq rispa chaymanta willaspa qonanchikpaqpas.
2. ¿Revistanchikkunapa mayqan yachachikuyninkunamantam runakuna yachayta munanmanku?
2 Willakuq revistanchikpi, ¿yaqachu yachachichkan llamkaqmasinchikwan rimasqanchikmanta? ¿Qawarqanchikchu familiamanta rimaq yachachikuy mayqan ayllunchikpaqpas allin kasqanta? ¿Yachanchikchu ¡Rikchariy! revistanchikpa willasqan nacionman pipas riy munasqanta? ¿Kanchu ima revistanchikpas gobiernopa oficinankunaman otaq runakunapa negocio ruwanan sitiokunaman apanapaq? Chaymantapas, yuyaqkunata ima sasachasqanmanta rimaq revistataqa atichwanmi yuyaqkunapa yachasqan wasiman apayta. Mana allin ruwaq runakunamanta rimaq revistatapas atichwanmi qoyta juezkunapa atiendenan oficinakunapi otaq comisariakunapipas.
3. Willarimuy pikunaman revistakunata qosqankumanta hinaspa imanasqa chayna ruwasqanku allin kasqanmanta.
3 Imapim tukunman. 2011 wata octubre killapim ¡Rikchariy! revistapi nirqa “Cómo criar hijos responsables” nispa, chaskisqanku qepatam Sudáfrica lawpi huk iñiqmasinchik señoranpiwan predicananku lawpi kaq 25 escuelakunata telefonowan qayarqaku. Chaymi 22 escuelakuna chaskirqaku revistakunata hinaspa estudiaqkunaman aypurqaku. Chay nacionpi huk iñiqmasinchikpas señoranpiwanmi chaynata ruwarqaku hinaspa predicananku law escuelakunapi revistakunata saqerqaku. Huknin escuelapim wakin profesorkunapas servichikurqaku sapa semanapi allin consejokunata qosqankupi hinaspa leesqankupipas. Chayna pasasqanmantam paykunaqa congregacionkunata watukuq ancianoman willarqaku, payñataqmi congregacionkunata kallpancharqa chaynata ruwanankupaq. Betel wasimanmi chay revistata apachinankupaq achka mañakuy chayarqa, chaymi kaqmanta ruwarqaku.
4. ¿Imanasqam munanchik revistanchikkuna aswan achka runakunaman qosqa kananta?
4 Enteron allpapi imanasqa imapas pasasqanmantam revistanchikkunaqa willan hinaspa leeqkunata yanapan Bibliamantawan Diospa Gobiernonmanta yachanankupaq. Chaynataq kay revistakunallam ‘salvacionmanta uyarichichkan’ (Is. 52:7). Hinaptinqa, munasunchá aswan achka runakuna leenankuta. Chaymi kaynata tapukunanchik: “¿Pipaqtaq allin kanman kay yachachikuy?”, nispa.