Diosmanta willakuqkunata qatipakusun: Amos
1. ¿Imaynatam Amosmanta yachasqanchik kallpanchawanchik?
1 ¿Haykapipas predicayta manchakurqankichu wakcha otaq mana leeyta yachaq kasqaykiwan? Chayna kaptinqa Amosmanta yachasqanchikmi kallpanchasunki. Payqa ovejakuna michiq chaynataq chakrapi llamkaq humilde runam karqa, ichaqa Jehova Diosmi favorecerqa juicionmanta willakunanpaq (Amos 1:1; 7:14, 15). Kay tiempopipas Jehova Diosqa Amos hina humilde runakunatam valekun (1 Cor. 1:27-29). ¿Imaynatawanraqmi Amosmanta yachasqanchik Dios serviyninchikpi yanapawachwan?
2. ¿Imatam Jehova Dios prometen hinalla predicanapaq?
2 Cheqniptinkupas hinallam willakurqa. Israel nacionpa norte lawninpi kaq chunkantin ayllukunaman Diospa juicionmanta willakuptinmi toro kaqlla taytachata yupaychaq Amasias hikutarqa Amosta, chay llaqtankumanta huklawman pasananpaq. Nirqam, llaqtamasinkunaqa religionniyoqña kasqankumanta (Amos 7:12, 13). Chaymi Amasiasqa Amospa willakusqanta harkachinanpaq rey Jeroboanman llulla kaqkunamanta willakurqa (Amos 7:7-11). Amosqa manam manchakurqachu. Kay tiempopipas religionpi umalliqkunam wakinqa autoridadkunata valekunku contranchikpi kanankupaq. Ichaqa Jehova Diosmi prometewanchik paymanta willakuyninchiktaqa pipas mana imanananpaq kasqanmanta (Is. 54:17).
3. ¿Imakunamantataq kay tiempopipas willakunchik?
3 Diospa juicionmantawan bendicionninmantam willakurqa. Amosmi willakurqa Israel nacionpi chunkantin ayllukunaman Diospa juicionmanta, ichaqa sutin apaq libropim qellqarqa Jehova Diosqa llaqtanta pampachaspan bendecinanmanta (Amos 9:13-15). Ñoqanchikpas Diospa ‘juicionmantawan’ Gobiernonmantam willakunchik (2 Ped. 3:7; Mat. 24:14). Jehova Diosmi mana allin runakunata Armagedonpi otaq piñakuynin punchawpi wañuchinqa hinaptinmi enteron Allpa pachaqa suma-sumaq huertaña kanqa (Sal. 37:34).
4. ¿Imanasqam Diospa Gobiernonmanta hinalla willakuyta atisunchik?
4 Runakuna cheqniwaptinchikpas hinalla predicasqanchikmi qawachin Jehova Dios kasukusqanchikta chaynataq payman qokuspa prometekusqanchik cumplisqanchiktapas (Juan 15:19). Jehova Diosqa hinallam yanapawasun paypa munayninta Amos hina ruwanapaq (2 Cor. 3:5).