Noviembrepim aypusun Diospa Gobiernonmanta noticiakuna 38 kaq tratadota
1. ¿Pipas wañukuptinqa imamantam yachayta munanku wakin runakunaqa? ¿Imaynatam paykunata noviembrepi yanapasun?
1 Imapi creeptinkupas wañuyqa lliw runakunapa enemigonmi (1 Cor. 15:26). Achka runakunam yachayta munanku wañusqa ayllunku imayna tarikusqanmanta otaq haykapi tupaykunankumanta. Paykunata yanapanapaqmi noviembre killapi Allpantinpi aypusun Diospa Gobiernonmanta noticiakuna 38 kaq tratadota. Chaypim nin: ¿Atinmankuchu wañuqkuna kawsarimuyta?, nispa. Chay killamanta qepataqa predicasqanchikpim hinalla servichikusun chay tratadota.
2. ¿Imayna pataranapaqmi chay mosoq tratadoqa kanqa, imanasqa?
2 Imaynata pataranapaq. Kay tratadoqa sayanpaman pataranapaq ruwasqam kachkan. Qallariyllanpim rikurin “¿Atinmankuchu wañuqkuna kawsarimuyta?”, nispa. Chaynataq kayna tapukuypas: “¿Niwaqchu arí, manam, ichapas?”, nispa. Leenanpaq chaskiwaqninchikqa kichaspanmi tarinqa Bibliapa yachachisqanta chaynataq payta imayna yanapasqanmantapas. Chaymantapas Bibliapa yachachisqanmanta imanasqa mana iskayrayanapaq kasqanmantapas yachanqam. Qepanpiñataqmi kachkan astawan yachananpaq kallpanchaqnin tapuy.
3. ¿Imaynatam chay tratadota aypusun?
3 Imaynata aypunapaq. Jesuspa wañusqanta yuyarinapaq chaynataq kimsa punchaw asambleanchikpaq invitacionta imayna aypusqanchikman hinam aypusunchik. 2013 abril killapi carta chaskisqankupa nisqanman hinam ancianokuna tanteananku predicasqanchik lawkunata imaynata predicanapaq. Predicasqanchik lawkuna taksalla kaptinqa huknin congregaciontam yanapachwan predicasqanku lawkuna hatun kaptinqa. Tratadokunataqa horqonanchik huk semanapi tukunanchikpaq kaqllatam. Wasin-wasin aypuruptinchik chay tratado puchuptinqa maypipas runakunapa kasqanpim aypunanchik. Manaraq killa tukuyta aypuyta tukuruspaqa chay killapi predicanapaq kaq qellqakunawanmi hinalla predicananchik. Noviembre killapa punta kaq sabadonpiqa tratadota aypuypim kallpanchakusun, manam Biblia estudiachiyta qallariypichu. Allinpaq kaptinqa semana tukuytaqa revistakunatapas munachichwanmi. Chay tratado aypuypi yanapakunapaqyá kunanmanta pacha tanteakusunña.