Jw.org nisqanqa allinmi wawa-churikunata yanapanapaq
1. ¿Imaynatam yanapachikuwaq jw.org nisqanpi “Niños” nisqanwan?
1 Internetpi jw.org nisqanqa lliwpaqmi. Maskay “Enseñanzas Bíblicas” nisqanpi “Niños” nisqanta, chaypi kaqkunaqa tayta-mamatawan wawa-churitam yanapan Jehova Dioswan amistadninku astawan allin kananpaq (Deut. 6:6, 7). ¿Imaynatam chaykunawan yanapachikuwaq wawa-churikikunaman Diosmanta yachachinaykipaq?
2. ¿Imaynatam tanteanmanku sapa wawa-churiman yachachinankupaq?
2 Allinta reparay. Warmachakunaqa manam iguallachu kanku (1 Cor. 13:11). ¿Imaynatam sapakamaman allinta yachachiwaq? Reparanaykim hayka watachayoqña kasqankupi chaynataq imamanta yachay munasqankupipas. Reparanaykitaqmi imamanta entiendey atisqanpi chaynataq hayka minuto qasilla kasqanpipas. Jw.org nisqanpi “Mis primeras lecciones de la Biblia” nisqanqa 3 watachayoq otaq manaraq chayna watachayoq warmachakunapaqmi. “De padres a hijos” nisqanqa ancha allinmi wawa-churikunaman Diosmanta yachachinapaq. Imakunawanraqmi yanapachikuwaqchik, qatiqninpiyá qawasun.
3. ¿Imaynatam tayta-mama yanapachikunman “Ideas para la adoración en familia” nisqanwan?
3 Ideas para la adoración en familia. Nisqanqa allintam tayta-mamakunata yanapan familianwan Diosta yupaychanankupaq. “Descargar” nisqanpi ñitiy hinaspa qaway “Guía para los padres” nisqanta, hinaspa chaypi kaq yanapakuykunawan warmaykikunaman yachachiy. Taksallaraq kaq warmachakunapaqqa allinmi kanman pintanapaq kaqkunata servichikuyqa. Yuyaychayoqña kaqkunataqa yanapawaqchikmi Bibliapa willakusqankunamanta astawan yachaypi kallpanchakunankupaq. “Guía para los padres” nisqanpi yanapakuykunaqa tupanmi Bibliapa nisqanwan. Chaynata ruwaspankuqa familiapi kaqkunam llapanku allinta yachanqaku.
4. ¿Imakunamantam “Hazte amigo de Jehová” nisqanpi tarinki?
4 Hazte amigo de Jehová. Nisqanpiñataqmi kachkan videokuna, takikuna chaynataq ruwanapaq kaqkunapas, jw.org nisqanpi yanapakuykunaqa tayta-mamakunatam yanapan warmachankuman Diosmanta allinta yachachinankupaq (Deut. 31:12). Warmachakunapaq videokunaqa chaynataq piensarichinapaq kaqkunaqa yachanankupaqmi allinta yanapan. Yaqa lliw warmachakunam takiyta gustanku, chaymi takiyta yachasqankuqa yanapan yuyanankupaq. “Hazte amigo de Jehová” nisqanpiqa kanmi Diosta alabanapaq takikuna chaynataq warmachakunapaq takikunapas.
5. ¿Imanasqam Diospa yanapayninta tayta-mamaqa mañakunanku?
5 Jehova Diosqa wawa-churikichikman allin yachachinaykichiktam munan. Chaymi imayna uywanaykichikpaq paypa yanapayninta mañakunaykichik (Juec. 13:8). Chaynata ruwaspaqa wawa-churikichiktam yanapayta atinkichik yachaywan kawsanankupaq, hinaptinmi ‘Cristo Jesuspi iñispa salvakunqaku’ (2 Tim. 3:15; Prov. 4:1-4).