Pasaq revistanchikkunata allinta servichikusun
Revistakunata wasinchikpi waqaycharuptinchikqa otaq wischuruptinchikqa manamá pitapas yanapanqachu, chaymi runakunaman qonanchikpaq kallpanchakunanchik. Arí, huk revistallam pi runatapas yanapanman Diosmanta yachayta munananpaq hinaspa paypa sutinta rimananpaq (Rom. 10:13, 14, NM). Qatiqninpi qawasun pasaq revistakunata imayna servichikunamanta.
Mana ancha predicasqanchik lawkunaman rispaqa, mana pitapas tarisqanchik wasikunapim saqechwan. Ichaqa chaypi puriq runakuna mana rikunanpaq hinam churachwan.
Carrokunapa otaq trenkunapa sayananpi suyaq runakunatam tapuchwan ima leey munasqankumanta, hinaspam wakin revistakunata qawachichwan munasqankuta akllakunankupaq.
Predicananchik lawpi: pachakunata taqsanapaq, yuyaqkunata atiendenapaq hinaspa hampichikunapaq wasikuna kaptinqa, suyana kaq lawpim revistanchikkunata saqechwan. Chaypaqqa, allinmi kanman chaypi cuidaq kaptinqa paywan puntata rimayninchik. Sichu chaypi revistakuna kaptinqa amaña saqesunñachu.
Achka runakunaman kaqmanta watukunayki kaptinqa, piensay sapakama imakunamanta yachay munasqankupi. ¿Kanchu churi-wawan? ¿Sapa kutichu illan? ¿Gustanchu plantakuna? Pasaq revistanchikkunata qawasun, ichapas chaypi munasqan yachachikuy kanman chaynapi watukuspa saqenapaq.
Achka killaña wasinkupi mana tarisqanchik runakunawan rimaspaqa mana qosqanchik revistakunata qawachispam saqechwan.