Diosmanta willakusqanchikpim jw.org nisqanta servichikuna

Internetpi jw.org nisqanqa ancha allinmi “kay pachapa cantonkama” allin noticiakunamanta willakunapaq (Hech. 1:8). Ichaqa achkam manaraq yachankuchu jw.org kasqanta, wakinqa willaptinchikñam yachanku.

Congregacionkunata watukuq ancianom Internetmanta celularninman horqorun ¿Imanasqataq Bibliata estudiana? niq videota, hinaspanmi uyariy munaqkunaman qawachin. Predicaspanqa ninmi: “Wasiyoqkunamanmi huk ratochalla watukamuchkani kay kimsa tapukuywan: ¿Imanasqataq tukuy mana allinkuna kan? ¿Imaynatam Diosqa chaykunata chinkachinqa? ¿Imatam ruwachwan chay punchaw chayamunankama? Chaytam kay video contestachkan”. Chaynata nispanmi chay videota chaylla qawachin, hinaspam ima ninanta suyan. Chay videopi yachachikuyqa sumaqllaña kasqanraykum runakunaqa tukunankama qawanku. Qawayta tukuruptinkum nin: “Kaypi qawasqaykiman hinam Internetnintakama jw.org nisqanpi Bibliata estudianaykipaq mañakuwaq. Munaptikiqa kunallanmi qawachiykiman Bibliata imayna estudianapaq”. Yachayta munaptinqa qawachinmi Diosmanta Allin noticiakuna niq folletowan Bibliata imayna estudianapaq. Wasiyoqpa tiempon mana kaptinqa yapapiña kutinanpaqmi nin. Restaurantepi mikunanpaq samarispanpas chaypi kaqkunawanmi sumaqllata rimaspan chay videota qawachinanpaq kallpanchakun. ¿Yanapachikuchkanchikchu Diosmanta willakusqanchikpi jw.org nisqanta?