¿Jehova Dios hinaspa churin Jesus hinachu tukuyta ruwanki Jesuspa wañukusqanta yuyarinapaq?

1. ¿Imatam achka testigokuna ruwanku Jesuspa wañukusqanta yuyarinapaq?

¹ Jehova Diosqa tukuytam ruwan munaynin ruwakunanpaq. Paypa munaychakuyninmi bendicionkunata apamunqa, chaymi Biblia nin: ‘Tukuy atiyniyuq tayta Diospa kuyakuyninmi chaytaqa ruwanqa’, nispa (Is. 9:7, CQ12). Churin Jesucristopas tukuyta ruwaspam taytan kuyasqanta qawachirqa (Juan 2:13-17; 4:34). Chayta qatipakuspam Jesuspa wañukusqanta yuyarinapaq killakunapi, achka testigokuna tukuyta ruwanku Diosmanta astawan willakunankupaq. ¿Kallpanchakunkichu chay killakunapi?

2. ¿Ima ruwaytam qallarisun 7 marzo killamanta hinaspa imatam chaywan haypasun?

² Jesuspa wañukusqanta yuyarinapaq invitacion aypunamanta. Kay watapim 7 marzo killamanta invitacionta aypuyta qallarisun. Kunanmantam kallpanchakunanchik chay killakunapi chayta ruwanapaq. Invitasun Bibliamanta yachachisqanchikkunata, kaqmanta watukusqanchik runakunata, estudiaqmasinchikkunata, llamkaqmasinchikkunata hinaspa ayllunchikkunata, chaypaqqa servichikuchwanmi jw.org nisqantapas.

3. ¿Imatam ruwachwan marzo hinaspa abril killakunapi?

³ Precursor auxiliar kanamanta. Achkam marzo hinaspa abril killakunapi precursor auxiliar kaspa kusikuywan astawan Diosmanta willakusun. Chay killakunapiqa atinkim 30 horallawan precursor auxiliar kaytapas. Wasinchikpi kaqkunawan otaq sapallanchikpi Diosta yupaychaspapas tanteasun imaynata Diosmanta astawan willakunapaq (Prov. 15:22). Kusikuywan invitacion aypunapaq kallpanchakuspaqa iñiqmasinchikkunatapas kallpanchasunmi. Diosmanta willakunapaq tukuyta ruwaspaqa Jesucristotam qatipakuchkanchik (Mar. 6:31-34).

4. ¿Imapaqmi kanqa kusikuywan kallpanchakusqanchikqa?

⁴ Jesuspa wañukusqanta yuyarinapaq kusikuywan kallpanchakuptinchikqa, achka runakunam Diosmanta willakusqanchikta uyarinqaku. Chaymantapas runamasinchikpaq chayta ruwaspaqa kusisqam tarikusun (Hech. 20:35). Hinaspapas Diostawan churintam kusichisun.