Jesuspa wañukusqantayá yuyarisun
Jesusqa manaraq wañukunanpaq kachkaspanmi apostolninkunawan huñunakurqa. Chayqa karqa 33 watapim, nisan sutiyuq killapa 13 punchawninpi. Chay kutillañam paykunawan kuska pascuata ruwarqa. Chay kutimantaqa lliw qatiqninkunam señorpa santa cenantaña yuyarinanku karqa. Chaymi Jesusqa mana qunqanapaq hina kananta yachaspan Pedrotawan Juanta kamachirqa chay tutapaq imatapas allichamunankupaq (Luc. 22:7-13). Chaymantapacham chayta yuyarinapaq puntamantaraq imakunatapas allichanchik (Luc. 22:19). Kay 3 abril killapaq imakuna ruwanamantayá rimarisun.
Wakinpa ruwananku
Chay huñunakuypaqmi invitacionta aypuypi kallpanchakunanchik.
Kallpanchakunanchikmi Bibliamanta yachachisqanchikta, ayllunchikta, escuelapi estudiaqmasinchikkunata hinaspa hukkunatapas pusamunanchikpaq.
Chay punchawkunapim Jesuswan tukuy ima pasasqanta Bibliapi leenanchik hinaspa yuyaymanananchik.
Kusikuywanmi chayllaraq hamuqkunata chaskinanchik.