Kusikuywan preparakusun
1. ¿Imapaqmi kanqa Jesuspa wañukusqanta yuyariyqa?
1 Jesuspa wañukusqantam kay wata yuyarisun martes 26 marzo killapi, chaymi salvawananchikpaq Dios tukuy ima ruwasqanpi yuyaymanaspa kusikunanchikpaq kanqa (Is. 61:10). Ichaqa kunanmanta kusikuyninchikmi yanapawasun chay punchawta preparasqa suyanapaq. ¿Imanasqam chayta ruwana?
2. ¿Imataq kallpanchawanchik tukuy imata preparanapaq?
2 ¿Imakunatam ruwana chay tutapaq? Jesuspa Santa Cenantaqa manam admirakuypaq hinatachu ruwana, ichaqa anchatam chaninchana. Chaymi ima ruwaytapas ama qonqanapaq tiempowanraq alistana (Prov. 21:5, NM). Tanteanam imay hora hinaspa maypi ruwakunanmanta, chaymantapas akllasqanchik sitiotam tiempowanraq pichaspa allichana. Imam kaqtam vinotawan tantatapas alistana. Discurso qoqpas allintam preparakunan, chaynataqmi huñunakuyman hamuqkunata chaskiq hinaspa vinotawan tantata haywaqkunapas allinta yachananku ima ruwanankuta. Kaykunataqa yaqa llapantamá ruwarunchikña. Ichaqa salvasqa kananchikpaq Jesuspa wañukusqanmanta agradecekusqanchikmi kallpanchawanchik chay punchawpaq allin preparasqa kanapaq (1 Ped. 1:8, 9).
3. ¿Imaynatam sonqonchikta preparachwan Jesuspa wañukusqanta yuyarinapaq?
3 Sonqonchikta preparasun. Ancha allinmi sonqonchikta preparayqa (Esd. 7:10). Chayta ruwaspallam entiendesun Jesuspa wañukusqantaqa. Chaymi llapanchik tiempochakuspa leenanchik chay punchawkunapaq akllasqa textokunata hinaspa yuyaymanananchik hanaq pachaman manaraq Jesus richkaspan imakuna ruwasqanpipas. Jesuspa ejemplonpi yuyaymanaymi kallpanchawasun payta qatipakunapaq (Gal. 2:20).
4. Llapan bendicionkunamantaqa, ¿mayqentaq astawan kusichisunki?
4 Jesusmi wañusqanwan Jehova Diospa kamachinanpaq derechonta defienderqa, ñoqanchiktapas huchamantawan wañuymantam librawarqanchik, chaynapim Diospa amistadnin kaytapas atichwan hinaspam wiñay kawsaytapas haypachwan (Col. 1:21, 22; 1 Juan 2:2). Chaypi yuyaymanayqa kallpanchawasunmi Jehova Diosman qokusqanchikta cumplinapaq chaynataq Jesuspa ejemplonta qatipakunapaqpas (Mat. 16:24). Chay tutapaq preparakuspa hinaspa chay huñunakuyman riptinchikqa sonqonchikmi kusisqa tarikunqa.