Diosmanta willakusqanchikpiyá Bibliata allinta servichikusun

Diosmanta willakusqanchikpi runakuna uyariwaptinchikqa Bibliamantapuni leepuspa yachachinapaqmi kallpanchakunchik, ¿imanasqataq chaynata ruwanchik? Yachanchikmá Jehova Diospa palabran atiyniyuq kasqanta. Qayna watam huk punchaw hatun huñunakuyninchikpi “Diospa Palabranta anchata servichikusun runakunaman willaspa” niq yachachikuypi llaqtan-llaqtan watukuq anciano yuyarichiwarqanchik chayna willakuyqa ancha allin kasqanta. Yuyarisunyá imakuna yachachisqanmanta.

• ¿Imanasqataq Diospa palabranqa ñuqanchikpa rimasqanchikmantapas aswan atiyniyuqqa? (2 Tim. 3:16, 17).

• ¿Imanasqataq nichwan Diospa palabranqa kuyakuyniyuq kanapaq, allinta piensanapaq, imayna kasqanchikta qawakunapaq hinaspa pantaypi purisqanchikta qawachiwananchikpaq allin kasqanta? (Qaway w12 15/6 pag. 27 § 7).

• Diosmanta willakusqanchikpi runakunaman Bibliapa textonta leepuspaqa, ¿imaynatam qawachichwan Diospa palabran kasqanta? (Qaway Escuelawan yanapachikuy libropa pag. 148 § 3, 4 hinaspa 2013 marzo killapaq Diospaq Llamkayninchik pag. 6 § 8).

• Bibliapa mayqan textota leepuspapas, ¿imanasqataq chaymanta allinta runakunaman yachachinanchik? ¿Imaynatam chayta ruwachwan? (Hech. 17:2, 3; qaway Escuelawan yanapachikuy libropa pag. 154 § 4-pag. 156 § 4).