Imaynatam qallarichwan estudio qoyta libro Enseña nisqanwan

Yaqa llapanchikmi munachwan Bibliamanta estudio qoyta.. . . qallariyllata atiruchwan. Kay mosoq librom ¿Qué enseña realmente la Biblia? yanapawasun. Qallariyninpi, 3-7 paginankunapim, tanteasqaña kachkan Bibliamanta parlayta qallarinanchikpaq. Chaynaqa estudiokuna qallariyqa manam sasachu kanqa chayllaraq predicay qallariqkunapaqpas.

◼ Ichapas kay yachachikuyta rurawaq 3 paginawan yanapachikuspa:

Predicasqayki llaqtapi runapa sasachakuyninmantam rimawaq, 3 paginapi yanachawan rurasqa tapukuykunata qawachiy hinaspa kallpanchay rimananpaq. Qatiqninman yachachiy 4-5 paginankunata.

◼ Otaq munawaqpaschá 4-5 paginankunata qawachispa qallariyta:

Tapuwaqmi: “¿Manachu suma-sumaq kanman kay rurakuptinqa?”. Otaq: “¿Kaymanta mayqankuna rurakunantam munawaq?”. Allinta uyariy kutichisqanta.

Huk kaqnin textomanta anchata yachayta runa munaptinqa, estudiay paywan kay libropa parrafonkunata chay textomanta yachachiqta, Bibliapa nisqanta qawachinaykipaq (kay suplementopa recuadronta qaway). Yachachiy libropa nisqanta bibliamanta estudiotapas qochkawaq hina. Kaytaqa rurayta atiwaqmi punta watukuyllapi pichqa otaq chunka minutollapi.

◼ Qawachiwaqmi 6 paginatapas uyarisuqniki rimananpaq:

Paginapa urayninpi tapukuykunata qawachiy runaman hinaspa niy: “¿Haykapipas rurakurqankichu kay tapukuykunata?”. Mayqantapas yachayta munaptinqa, libropa parrafonkunapi kutichisqanta qawachiy (kay suplementopa recuadronta qaway). Chaynata runaman yachachispaykiqa, Bibliamanta estudiotañam qochkanki.

◼ Servichikuchwan 7 paginawan Bibliata imayna estudiakusqanta qawachinapaq:

Paginapi kimsa kaq puntochakama leey hinaspa 3 kaq capitulota qawachiy; chaymanta 1-3 parrafonkama yanapachikuspa, qawachiy imaynata estudio rurakunanta. Arreglota ruray kutispayki 3 parrafopa tapukuyninta kutichinaykipaq.

◼ Imatam rurachwan yapamanta kutinapaq:

Punta watukusqaykipi estudiayta tukuruspaqa, hinalla estudianaykichikpaq arreglota ruranayki. Niwaqmi: “Pisi minutokunallapim yacharunchik Bibliapa allin yachachisqanta. Huk kaq punchawñam rimachwan kay [huk tapukuyta saqey]. ¿Hamuq semanata kutimuymanchu kay horasta?”.

Jehová Diospa señalasqa punchawman asuykuchkaptinchikpas, payqa hinallam yanapawachkanchik munayninta rurananchikpaq (Mat. 28:19, 20; 2 Tim. 3:17). Allinta servichikusun kay suma-sumaq yanapakuyta Bibliamanta estudiokuna qallarinapaq.

[3 kaq paginapi recuadro]

Libropi 4-5 paginankunapi Bibliapa textonkunamanta yuyariykuna

◻ Apocalipsis 21:4 (27, 28 paginanpi, 1-3 parrafonpi)

◻ Isaías 33:24; 35:5, 6 (36 paginapi, 22 parrafopi)

◻ Juan 5:28, 29 (72, 73 paginanpi 17-19 parrafonpi)

◻ Salmo 72:16 (34 paginapi, 19 parrafopi)

6 paginapi tapukuykunapa kutichiynin

◻ ¿Imanasqam ñakarinchik? (108 paginapi, 6-8 parrafonpi)

◻ ¿Imaynatam atichwan aguantayta kawsayninchikpi sasachakuyninchikkunata? (184 paginapi, 1-3 parrafonpi)

◻ ¿Imatam rurachwan ayllunchik aswan kusisqa kananpaq? (143 paginapi, 20 parrafopi)

◻ ¿Imataq pasawanchik wañuptinchik? (58 paginapi, 5, 6 parrafonpi)

◻ ¿Haykapipas tupachwanchu kuyasqa ayllunchik wañukuqkunawan? (72, 73 paginanpi, 17-19 parrafonpi)

◻ ¿Imanasqam seguro kachwan Dios promesan cumplinanta? (25 paginapi, 17 parrafopi)