Kay kamachisqay palabrakunaqa sunquykipim kanan

Tayta-mamakunataqa tupachichwanmi oveja michiqwan. Imaynam michiqpas ovejankunata qawan chaynam tayta-mamakunapas warmankuta qawananku. Chayta mana ruwaptinkuqa qipa punchawtam warmankuna ñakarinmanku (Prov. 27:23). Chaynaqa, ¿imaynatam tayta-mamakunaqa allin michiq kanmanku? Sapa punchawmi warmankunawan rimananku. Chayta ruwaspankum yachanqaku sunqunkupi ima kasqanta (Prov. 20:5). Chaymantapas tukuy imaymana yanapakuykunata servichikuspankum warmankupa iñiyninta astawan kallpanchayta atinqaku (1 Cor. 3:10-15). Chaymi kallpanchaykiku castellanopi Estas palabras tienen que estar en tu corazón niq videota qawanaykichikpaq, chayqa allintam yanapakun wasinchikpi kaqkunawan Diosta yupaychanapaq. Chayta qawaruspaykichik qatiqnin tapukuykunata kutichiychik.

1) ¿Imanasqataq Roman aylluqa iñiyninkupi chiriyasqa kachkarqaku? 2) ¿Imanasqam iñiqmasinchik Tomasqa ayllunwan kuska Diosta yupaychaytaqa mana ruwayta atirqachu? 3) ¿Imatam biblia yachachin warmakunata allinta uywanapaq? (Deut. 6:6, 7). 4) ¿Imatam ruwana ayllu ukupi allinta rimanakunapaq? 5) ¿Imakunatam tayta-mamakuna saqinanku warmankuwan kuska kanankupaq? 6) ¿Imaynatam Mariowan Isabelqa Tomastawan ayllunta yanaparqaku? (Prov. 27:17). 7) ¿Imatam taytaqa ruwanan wasinpi kaqkunawan Diosta yupaychayninku tuta allin kananpaq? 8) ¿Imatam iñiqmasinchik Tomasqa ruwarqa ayllunwan allinña kawsakunankupaq? 9) ¿Imanasqam mana qunqaspa ayllunchikwan kuska Diosta yupaychanapaq tutata ruwananchik? (Efes. 6:4). 10) Rimarimuy chay tutata imayna ruwanamanta. 11) ¿Imanasqataq allin karqa Tomas iñiqmasinchikpa mana iskayrayaspa hinaspa kuyakuywan churin Marcosta rimapayasqanqa? (Jer. 17:9). 12) ¿Imaynatam Tomaswan Monicaqa warman Rebecata yanaparqaku Justin mozomanta allinta tanteakunanpaq? (Mar. 12:30; 2 Tim. 2:22). 13) ¿Imanasqam niwaq Tomaswan Monicaqa Diospi hapipakusqankuta? (Mat. 6:33). 14) ¿Imaynatam kay videoqa llapa taytakunata yanapan ayllunkupa iñiyninta astawan kallpanchananpaq? (1 Tim. 5:8). 15) ¿Ima ruwanankupaqmi llapa taytakuna tanteananku?

TAYTAKUNAPAQ: Kay qawanapaq actuacion 2011 watapi lluqsimuptinqa, ¿yaqachu musyakurqanki wasikipi kaqkunawan Diosta yupaychayniki aswan allin kananmanta? Kay videota qawaruspayki, ¿musyakurqankichu imakunapiraq astawan kallpanchakunaykita? Chayna kaptinqa Diosta mañakuy chayta ruwanaykipaq chaynapi aylluykiwan kuska salvakunaykichikpaq (Efes. 5:15-17).