JW.ORG nisqaman yaykunapaq tarjetachata servichikusun

Hatu-hatun ñakariy punchaw hichpallapiña kasqanraykum Diosmantaqa astawan willakunanchik (Pr 24:11, 12, 20). Chaypaqmi internetpi jw.org nisqaman yaykunapaq tarjetachatapas servichikuchwan, chayqa bibliamanta yachanankupaqmi yanapanqa. Chay tarjetachapim kachkan chiqchi cuadrocha ¿Imanasqataq Bibliata estudiana? niq videota qawanapaq, kachkantaqmi astawan yachanankupaq willakuypas. Wakin runakunaqa manam qillqanchikkunataqa munankuchu, ichaqa munanmankum jw.org nisqaman yaykuyta, chaymi quchwan tarjetachata. Chaywanpas amayá mana uyariy munaqkunamanqa qusunchu.

Tarjetachata quspam nichwan: “Kaychatam quyta munayki. Videokunata hinaspa tukuy imamanta yachachikuykunata internetpi tarinaykipaqmi yanapasunki”, nispa (Jn 4:7). Tarjetachakuna taksalla kasqanraykum maymanpas apachwan.