¿Imatam ruwananchik Jesusta hinalla qatikunapaq?

9:62

Yapuqqa mana qipanta qawarispanmi yapunan, manachayqa qinqu-qinqutam yapurunman. Jesuspa qatiqninkunapas manam qipanchikta qawachkaq hinaqa tukuy ima saqisqanchiktaqa yuyarinanchikñachu (Flp 3:13).

Sasachakuypi tarikuspaqa yaqa llapanpim yuyarinchik ñawpa vidanchikpi allinkuna pasawasqallanchikta, manam yuyarinchikchu sasachakuykunapi tarikusqanchiktaqa, chaymi nichwan: “Diosta manaraq riqsichkaspayqa manam kayna sasachakuypichu tarikurqani”, nispa. Israel runakunapas Egipto nacionmanta lluqsirusqanku qipatam yuyarirqaku allin kawsakusqallankuta (Nu 11:5, 6). Ñuqanchikpas, imapas saqisqanchikkunata yuyarayaspaqa ñawpa vidanchikmanmi kutiyta munachwan. Chaykunata yuyarayanamantaqa, Diosninchik kunan tiempo tukuy ima quwasqanchikpi hinaspa kamachimuptin imaynaña kawsakunanchikpim yuyaymanananchik (2Co 4:16-18).