¿Ancha chaninniyuqpaqchu Diospa palabranta hapinchik?

Bibliapim tarikun Diospa niwasqanchikkuna hinaspa imayna piensasqankuna (2Pe 1:20, 21). Bibliam niwanchik kay pachata Jesus kamachiptinqa tukuy ñakariy chinkananmanta, hinaptinmi yachakunqa Dioslla allin kamachiq kasqan. Bibliaqa niwanchiktaqmi Jehova Diosninchikqa kuyakuqllaña kasqanmanta (Sl 86:15).

Chaykunamanta hinaspa hukkunamanta yachaspanchikmi Diospa palabrantaqa anchata chaninchanchik. Tapukusun: ¿Sapa punchawchu ñawinchani hinaspa yachasqaykunata ruwayman churani? Chaynata ruwaspaqa chaninchachkanchikmi. Salmos qillqaq hinam kananchik, paymi nirqa: “¡Maynatam yachachikuynikita kuyallani!”, nispa (Sl 119:97).

BIBLIAPI YACHACHIKUYKUNATAM CHANINCHARQAKU: SEGMENTO (WILLIAM TYNDALE) NIQ VIDEOTA QAWARUSPAYKI KAY TAPUKUYKUNAMANTA RIMARIY:

• 

  ¿Imanasqataq William Tyndale sutiyuq runaqa ingles rimaypi bibliapa wakin partenta ruwarqa?

• ¿Imanasqataq ingles rimaypi bibliata ruwananpaq kallpanchakusqanqa qatipakunapaq hina?

• William Tyndaleqa, ¿imaynatam ruwasqan bibliata Inglaterraman apachirqa?

• ¿Imata ruwaspam biblia chaninchasqanchikta qawachichwan?