¿Pikunatawantaq niyman hamunankupaq?

Sapa watam Jesuspa wañukusqanta yuyarinanchikpaq lliw runata hamunankupaq ninchik. Hamuqkunaqa yaqa llapankum mana riqsisqanchikkuna kanku. Chaynaqa, riqsisqanchikkunatapas ninanchikmi hamunankupaq. Riqsisqanchik runakunaqa yaqapaschá hamunqaku riqsiwasqanchikrayku (yb08-S pag. 11 § 3; pag. 14 § 1). Hamunankupaqmi nichwan:

• Ayllunchikkunata.

• Llamkaqmasinchikkunata hinaspa estudiaqmasinchikkunata.

• Waqtanchikpi yachaq runakunata.

• Watukusqanchik runakunata, bibliamanta yachachisqanchikkunata, chaymantapas ñawpaqpi bibliamanta yachachisqanchikkunatapas.

Punta apaqkunañataqmi chiriyasqa iñiqmasinchikkunata ninqaku hamunankupaq. ¿Imaynatam yanapachwan karupi yachaq riqsinakusqanchikkunata Jesuspa wañukusqanta yuyarinapaq huñunakuyman rinankupaq? Chaypaqqa yachananchikmi chay huñunakuy yachasqan lawpi maypi kananmanta. Chaytaqa yachachwanmi internetpi jw.org niqpi, yaykuy ÑUQAYKUMANTA nisqanman, chaymanta “Jesuspa wañukusqanta yuyarinapaq” niqman. Manaraq chay punchaw chayamuchkaptinmi yuyaymanachkachwanña pikunata chay huñunakuyman hamunankupaq ninanchikpaq.