DIOSPAQ HINA KAWSANAPAQ
Jehova Diospa corregisqanta allinpaq hapiptinchikqa, kuyasqanchiktam qawachinchik
Mana allin ruwaqkunata Diospa llaqtanmanta qarquyqa iñiqkuna allinlla kanankupaqmi yanapan, yanapantaqmi mana wanakuq kaqtapas (1Co 5:6, 11). Ichaqa pi ayllunchikpas utaq amistadninchikpas Diospa llaqtanmanta qarqusqa kaptinqa anchatam llakikunchik, llakikunkutaqmi huchallikuqta yanapaq punta apaqkunapas. Chayna kaptinpas Jehova Diospa corregisqanta allinpaq hapiptinchikqa payta kuyasqanchiktam qawachinchik, ¿imaynataq chayqa kanman?
Qawachinchikmi Diospa kamachikuyninkuna ancha allin kasqanta hinaspa Jehova Dios chuya Dios kasqanta (1Pe 1:14-16). Diospa llaqtanmanta qarquchikuqtapas kuyasqanchiktam qawachinchik. Arí, pipas Diospa llaqtanmanta qarquchikuptinqa anchatam llakikunchik. Ichaqa ‘corregisqa kananpaqmi’ chayqa yanapan (Heb 12:5, 6, 11). Qarquchikuq kaqkunawan hinalla rimaspanchikqa manam saqichkachwanchu Jehova Dios correginantaqa. Amataqyá qunqasunchu mana allin ruwasqanchikkunamanta Jehova Dios corregiwananchiktaqa (Jer 30:11). Chaynaqa ayllunchik Diosman kutimunanta suyaspayá hinalla Diospa nisqankunata kasukusun hinaspa ruwasun (Is 1:16-18; 55:7).
JEHOVA DIOSTAYÁ PIMANTAPAS ASTAWAN KUYASUN NIQ VIDEOTA QAWARUSPA, KAY TAPUKUYKUNAMANTA RIMARIY:
¿Imaynataq tayta-mamakunaqa tarikunku warmanku Diospa llaqtanmanta qarquchikuptinqa?
¿Imaynatam iñiqkunaqa qarquchikuqpa ayllunta yanapanmanku?
¿Bibliapi pimanta rimasqantaq yachachiwanchik Diosta kuyayqa ayllunchikta kuyaymanta aswan allin kasqanta?
¿Imata ruwaspataq qawachinchik Diosta astawan kuyasqanchikta?