¿Munawaqchu Diospa munaychakuyninmanta willakuqkunapaq escuelaman riyta?

70 horata Diosmanta willakuspaykiqa chaynataq mana imawanpas unquspaykiqa hinaspa 23 watamanta 65 wataykipi kaspaykiqa atiwaqmi Diospa munaychakuyninmanta willakuqkunapaq escuelaman riyta. Kay escuela qallarisqanmantam achka casarasqa iñiqmasinchikkuna hinaspa sapallankuraq kaq iñiqmasinchikkuna chay escuelaman rinankupaq papelta huntachirqaku. Chay ruwasqankuqa ancha allinmi. Sapallaykichikraq kaq qarikuna, Diosqa munachkanmi qamkuna chay escuelaman rispa astawan yanapakunaykichikta. Chayta ruwanaykichikpaqyá Jehova Diospa yanapakuyninta mañakuychik (Sl 40:8; Mt 20:28; Heb 10:7). Chaymantapas amaña llumpayta llamkanaykichikpaqmi tantiakuwaqchik, chaynapi chay escuelaman rinaykichikpaq.

¿Imakunapim yanapakurqaku chay escuelaman riqkunaqa? Wakinkum huk rimaypi Diosmanta willakunankupaq kamachisqa karqaku, wakinkuñataqmi achka runakunapa kasqanpi Diosmanta willakunankupaq. Wakin iñiqmasinchikkunam llaqtan-llaqtan watukuq hina yanapakuchkanku, wakinkunañataqmi tukuy tiemponkuwan Diosmanta willakuchkanku. Diospa llaqtanpi imaynatawanraq yanapakunaykipiyá yuyaymanay. Yuyaymanaytaqyá Diospa willakuqnin Isaiaspa nisqanpipas, paymi nirqa: ‘Kayqaya ñuqa kaypi kachkani. Ñuqatayá kachaway’, nispa (Is 6:8).

TUKUY TIEMPONKUWAN DIOSMANTA WILLAKUQKUNAM COSECHACHKAQ HINA RUNAKUNATA YACHACHICHKANKU NIQ VIDEOTA QAWARUSPA, KAY TAPUKUYKUNAMANTA RIMARIY:

• 

  ¿Imaynatam akllanku tukuy tiemponkuwan Diosmanta willakuqkunata?

• 

  ¿Imatam tukuy tiemponkuwan Diosmanta willakuqkunaqa ruwachkanku?

• 

  ¿Imaynam tarikunku tukuy tiemponkuwan Diosmanta willakuqkunaqa?