¿Ima escuelakunataq kan precursorkunapaq?

Jehova Diosqa unay watakunañam Testigonkunaman yachachin. Tukuy sonqonkuwan Diosta serviyninkupi kallpanchakuqkunapaqmi kan huk escuela (2 Timoteo 4:5).

Precursorkunapaq Escuela. Chay escuelaman rinankupaqmi invitasqa kanku huk wata kaq precursorkuna. Chay escuelapim kallpanchasqa kanku Jehova Diosman astawan asuykunankupaq, hukkunaman allinta yachachinankupaq chaynataq tukuy sonqonwan Diosta hinalla servinankupaqpas.

Diosmanta Willakuqkunapaq Escuela. Chay escuelamanqa rinku unay wataña chaynataq predicaqkunapa mana ancha kasqanku llaqtakunapi yanapakuy munaq precursorkunam. Jesucristota qatipakuspam Isaias hina ninku: “Kayqaya ñoqa kaypi kachkani [. . .]. Ñoqatayá kachaway”, nispa (Isaias 6:8; Juan 7:29). Paykunaqa huklaw llaqtachakunaman astakuspankum chaypi imayna kawsasqankuman hina chiripi, rupaypi chaynataq ima mikuykunamanpas costumbrananku. Wakinpiqa mana rimasqanku idiomatam yachananku. Chay escuelam yanapan solterokunata, solterakunata chaynataq casarasqakunatapas cristiano vidankupi sumaqta kawsakuspa maypipas Diosta allinta servinankupaq chaynataq Diospa llaqtanpi allinta yanapakunankupaqpas. Chaymanqa rinmankum 23 watankumanta 65 watankukama.

Misionerokunapaq Escuela. Hebreo rimaypi “Galaad” ninanqa “qawanapaq sutilla montonasqa rumi” ninanmi. Galaad escuelaqa qallaykurqa 1943 kaq watapim, chaymantapacham 8.000 misionerokunaña karunku, paykunaqa tukuy hinastinpim Diosmanta sutilla willakuchkanku (Hechos 13:47). Perú nacionman punta kaq misionerokuna chayamuptinkuqa manaraqmi chulla congregacionpas karqachu, kunanqa 1.000 masnin congregacionkunañam kachkan. Japón nacionman misionerokuna chayaptinkum 10 Testigokunalla karqaku, kunanqa 200.000 masnin Testigokunañam kachkanku. Galaad escuelapiqa 5 killantinmi allintapuni Diospa Palabranta estudianku. Chay escuelamanqa rinmankum precursor especialkuna, misionero hina huklaw nacionpi predicaqkuna, Betel wasipi llamkaqkuna, congregacionkunata watukuq ancianokuna otaq paykunamanta cuentallikuq ancianokunapas. Chay escuelamanqa rinku Diospa llaqtanpi aswan allinta yanapakunankupaqmi.

• ¿Imapaqtaq precursorkunapaq escuelaqa?

• ¿Pikunataq rinmanku Diosmanta Willakuqkunapaq Escuelaman?