Kallpanchakusunyá casado vidanchikpi kusisqa kawsakunapaq

Jehova Diosqa munanmi casado kaqkuna kuskalla kananchikta (Mt 19:5, 6). Diospa llaqtanpiqa yaqa llapallan casado kaqkunam kusisqa kawsakunchik. Chaywanpas sasachakuyninchikqa kanmi. Amayá chayraykuqa piensasunchu rakinakuyman chayaytaqa. ¿Imaynatam kusisqalla kawsakuchwan?

Kaykunatam ruwananchik:

1. Sunqunchikqa kanan yanallanchikpaqmi. Manam hukkunawanqa asikachanachu nitaq huchapakuqkunatapas videopiqa qawanachu. Kaykunaraykum wakinkuqa rakinakuyman chayanku (Mt 5:28; 2Pe 2:14).

2. Jehova Dioswan kuyachikunanchikpaqyá kallpanchakusunchik. Kallpanchakusuntaqyá casado vidanchikpi Diospa munasqanman hina kawsakunapaq (Sl 97:10).

3. Hinallayá kallpanchakusun Diospa munasqanman hina imatapas ruwanapaq, chaynapi yananchikta kusichinapaq (Col 3:8-10, 12-14).

4. Yananchikwanqa imaña kaptinpas sumaqllatam rimananchik (Col 4:6).

5. Warmi-qari puñuyninchikpas kuyakuyllawanmi kanan (1Co 7:3, 4; 10:24).

Casado vidanchikpi kusisqalla kawsakuspaqa Jehova Diosta kuyasqanchiktam qawachichkanchik.

AMA PISIPARUSPAYÁ KALLPASUN IMAYNA KALLPANAPAQ KAMACHIKUYKUNAMAN HINA KALLPASPA NIQ VIDEOTA QAWARUSPA, KAY TAPUKUYKUNAMANTA RIMARIY:

• 

  Casado vidanchik kusisqalla qallariptinpas, ¿imakunam chaymanta pasanman?

• 

  ¿Imaynatam bibliapa yachachikuyninkunaqa yanapanman casado vidankupi sasachakuqkunata?

• 

  ¿Imayna kanankupaqmi Jehova Diosqa casado kaqkunata nin?

• ¿Imakunatam qusapas chaynataq warmipas kusisqa kawsakunankupaq ruwananku?