BIBLIAMANTA TAPUKUYKUNA

¿Imaynatam casado vidaykipi kusisqa kawsakuwaq?

Casado vidata qallarichiq Jehova Diospa consejonkuna kasqanraykum Bibliaqa casado vidapi yanapakun. Bibliaqa yanapanmi casarasqakuna sumaqllata kawsakunankupaq, consejanmi casado vidankuta mana yanqachanankupaq, yachachintaqmi tukuy sonqonkuwan rimanankupaqpas. (Leey Colosenses 3:8-10, 12-14.)

Casarasqakunaqa respetanakunankum. Diospa kamachisqanman hina sapakama cumplispaqa kusisqam kawsakunmanku. (Leey Colosenses 3:18, 19.)

¿Imaynatam atinmanku unay watakuna kuskalla kawsakuyta?

Kuyanakuspaqa unay watakunam kuska kawsakunmanku. Jehova Dioswan Churin Jesucristom cheqap kuyanakuymanta yachachiwanchik. (Leey 1 Juan 4:7, 8, 19.)

Casado vidaqa Diospa regalonmi, casarasqakuna chayta valoraspankuqa unay watakunam kuskalla kawsakunqaku. Casado vidapi entiendenakuspa chaynataq yanapanakuspa unay watakuna kuskalla kawsanankupaqmi Jehova Diosqa qaritapas chaynataq warmitapas unancharqa, chaynapi familiaqa hawkalla kawsanankupaq. Chaymantapas kikinman rikchakuqtam unancharqa otaq pay hina kuyakuyniyoqta. (Leey Genesis 1:27; 2:18, 24.)