DIOSPAQ HINA KAWSANAPAQ
Musu-sipaskuna ama manchakuspa tayta-mamaykichikwan rimaychik
¿Imanasqataq tayta-mamaykiman imapas piensasqaykita willanayki? (Pr 23:26). Paykunatam Jehova Dios churarqa cuidasunaykipaq hinaspa yanapasunaykipaq (Sl 127:3, 4). Sichu mana willankichu imapas llakichisusqaykita hinaptinqa imaynatamá paykunaqa yanapasunki. Chaymantapas paykunaqa achka experienciayuq kasqankuraykum allinta yanapasunki. Chaynaqa ¿tukuy imakunamantachu taytaykiman willanayki? Manam. Willawaqmi ima piensasqaykimanta mana seguro kaspayki chaynapi pakallapi mana imatapas ruwarunaykipaq (Pr 3:32).
¿Imaynatam tayta-mamaykiwan rimawaq? Samasqaykichik horam rimawaqchik. Mana atikuptinñataqmi huk cartata qillqawaq imayna tarikusqaykita willanaykipaq. Tayta-mamayki qanwan rimayta munaptinkuqa kallpanchakunaykim paykunata uyarinaykipaq. Manataqmi qunqanaykichu paykuna yanapay munasusqaykitapas, paykunaqa manam enemigoykikunachu aswanqa allinnikipaq munaspankum rimapayayta munasuchkanki. Tukuy imamanta tayta-mamaykiwan rimasqaykiqa yanapasunkim kunanpas hinaspa yuyayniyuq kaptikipas allin kawsakunaykipaq (Pr 4:10-12).
MUSU-SIPAS KAQKUNAPAQ—¿IMAYNATATAQ TAYTA-MAMAYKIWAN ALLINTA RIMAWAQ? NIQ VIDEOTA QAWARUSPA, KAY TAPUKUYKUNAMANTA RIMARIY:
Tayta-maman rimapayaptin ¿imayna tarikusqankumantataq Esther hinaspa Partik willakunku?
¿Imatam qampas Jesusmanta yachawaq?
¿Imaynatam tayta-mamayki kuyasusqaykita qawachisurqanki?
Kusisqa kanaykitam tayta-mamaykiqa munan
¿Bibliapi mayqan textonkunataq yanapasunkiman tayta-mamaykiwan rimanaykipaq?