DIOSPAQ HINA KAWSANAPAQ
¿Pikunataq internetpi amistadnikikunaqa?
Kuyakuq amistadqa tukuy tiempom kuyawanchik. Davidwan Jonatanpas allin amistadmi karqaku, paykunaqa amigo karqaku Goliatta David wañurachisqanmantapacham (1Sa 18:1). Davidwan Jonatan allin amistad kanankupaqqa imayna sunquyuq kasqankum yanaparqa. Piwanpas allin amistad kayta munaspaqqa kallpanchakunanchikmi allinta riqsinanchikpaq, chaypaqqa tiempochakunanchikmi. Internetpim ichaqa piwanpas chaylla amistadta armarunku. Runakunaqa manam imam kaqtachu internetnintaqa willakunku chaymi sasa kanman imayna kasqanta yachayninchikqa. Chayraykum allinta tantiananchik piwan amistadta ruwanapaq. Mana riqsisqanchik runakuna paywan amistad kananchikpaq mensajeta apachimuwaptinchikpas manam contestananchikchu. Runakuna engañakuqllaña kasqanraykum wakinkuqa mana internetpiqa amistadtaqa maskankuchu. Piwanpas internetninta parlaspaykiqa ¿imatam mana qunqanaykichu?
ALLINTAYÁ INTERNETTA SERVICHIKUY NIQ VIDEOTA QAWARUSPA, KAY TAPUKUYKUNAMANTA RIMARIY:
¿Imapim piensanayki manaraq fotoykita hinaspa imapas ruwasqaykita internetman churachkaspayki?
Internetpi kaspaykiqa ¿imanasqataq allinta tantianayki pikunawan amistad kanaykipaq?
¿Imanasqataq hayka tiempo internetpi kanaykipaq tantianayki? (Ef 5:15, 16).