Jehova Diospi hinaspa Jesuspi iñinankupaq Kusisqa kawsakunapaq niq libronchikwan runakunata yanapasun

Bibliamanta yachachisqanchik runakunaqa allin iñiyniyuqmi kananku Diosta kusichinankupaqqa (Heb 11:6). Chaypaqmi yanapawasun Kusisqa kawsakunapaq niq libronchik. Chay qillqapiqa kachkanmi allin akllasqa textokuna, yuyaymananapaq tapukuykuna, dibujokuna hinaspa videokuna. Yachachisqanchik runakunata Diospi hapipakunankupaq hinaspa paypa munasqanman hina kawsakunankupaq yanapaptinchikqa allin iñiyniyuqmi kanqaku, sasachakuykuna kaptinpas allintam takyanqaku (1Co 3:12-15).

Wakin runakunaqa Diosta mana rikusqankuraykum sasachakunku paypi creenankupaq. Chaymi allinta yachachinanchik Diosta riqsinankupaq hinaspa paypi hapipakunankupaq.

JEHOVA DIOSPI HAPIPAKUNANKUPAQ YANAPASUN “KUSISQA KAWSAKUNAPAQ” NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imaynatam yachanchik paninchik bibliamanta yachachinanpaq allinta preparakusqanta?

• Isaias 41:10, 13 nisqanta leerachispan ¿imatam tapurqa ima piensasqanmanta rimarinanpaq?

• Video qawasqan hinaspa textokuna leesqan ¿imaynatam yanaparqa chay warmichata?

Achka runakunam mana yachankuchu Jesuspa wañukusqanqa sapakamata yanapawasqanchikta (Gal 2:20). Chaymi yanapananchik Jesuspa wañukusqanpi iñinankupaq.

JESUSPI IÑINANKUPAQ YANAPASUN “KUSISQA KAWSAKUNAPAQ” NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imaynatam yachanchik iñiqmasinchik bibliamanta yachachinanpaq allinta preparakusqanta?

• Biblia estudiaqta yanapananpaq ¿imaynatataq yanapachikurqa “Astawan yachanaykipaq” niqwan?

• ¿Imanasqataq ancha allin bibliamanta yachachisqanchik runapaq mañakuy hinaspa kikinpas mañakunanpaq kallpanchay?