Kaytapas estudiachwanmi

¿Imatam puntata estudiachwan?

Wakinpiqa sasam biblianchikta sapanchikpi unay estudiayqa. Ichaqa, ¿imataq yanapawasun mana unay tiempo estudiaspapas allinta yachanapaq? Chaypaqqa estudianaykipaq sapaqchasqayki horam allinta estudianayki. Achkata apurawllaña leenaykimantaqa aswan allinmi kanman aslla yachachikuymanta sumaqta yachayniki.

Tantiakuy imakunata puntata estudianaykipaq (Efes. 5:15, 16). Kayman hinam ruwawaq:

Sapa punchawyá bibliata leey (Sal. 1:2). Qallarinaykipaqqa chawpi semanapi huñunakuypaq tupawaqninchik capitulokunatam leewaq.
Chawpi semana huñunakuyman manaraq richkaspaykiyá chaynataq semana tukuyta Willakuq qillqata estudianapaq manaraq richkaspaykiyá chaypaq yachachikuykunata allinta estudiay, chaynapi allinta rimarinaykipaq (Sal. 22:22).
Estudianaykipaq astawan tiempochakuspaykiqa huk yachachikuykunatapas allinta estudiay. Chaymanta wakinmi kanman Diosmanta willakunapaq revistanchikkuna, videonchikkuna chaynataq jw.org nisqapi lluqsimuq llapallan yachachikuykuna.
Imamantapas astawan yachayta munaspaykiqa chaytayá estudiay. Ichapas yachayta munawaq imapas sasachasuqniki kaqta imayna atipanaykimanta, ima tapukuynikimantapas utaq bibliapa mayqin yachachikuyninmantapas. Imamantapas astawan yachayta munaspaykiqa maskawaqmi jw.org niqpi “Actividades para estudiar la Biblia” nisqanpi.