Kaytapas Estudiachwanmi

Jehova Diosninchik imayna kasqanmanta astawan yachaykuy

Bibliata leespaqa kallpanchakunanchikmi ima textotapas aswan allinta yachaykunapaq. Ichaqa, manam yachaysapa kanallapaqchu chaytaqa ruwana. Aswanqa Jehova Diosninchik imayna kasqantam astawan yachayta munananchik, chaynapi astawan kuyanapaq. Chaypaqqa nikunanchikmi: “¿Jehova Dios imayna kasqantataq kay leesqay yachachiwan?”, nispa.

Nikuchwanmi: “¿Kay leesqayqa Jehova Dios kuyakuq kasqantachu, yachayniyuq kasqantachu, allin ruwaq kasqantachu icha atiyniyuq kasqantachu yachachiwan?”, nispa. Jehova Dios imayna kasqanmantaqa astawanraqmi yachachwan. ¿Maypim chaymanta astawan yachachwan?

Sichu bibliata leechkaptiki Jehova Diospa imayna kasqan gustasuptikiqa maskay Índice de las publicaciones Watch Tower niqpi chay leesqaykiwan tupaq kaqta. Maskay “Jehova” niqta hinaspa ñitiy “Cualidades por nombre” niqpi. Chaypim kachkan 50 masnin cualidades nisqanku. Sichu kapusunki Jehova Diospa testigonkunapa qillqankunapi maskanapaq niq yanapakuylla, hinaptinqa maskay “Jehova” niqta hinaspa ñitiy “Cualidades de Jehová” niqpi.