¿Imaynatam yanapawaqninchik yachachikuykunata tarichwan?

Bibliata leespaqa yanapawaqninchik kaqkunatam tarichwan astawan estudiaspa. Ichaqa, ¿imatam ruwachwan chay estudiasqanchik astawan yanapawananchikpaq?

Leesqanchikmantayá astawan yachasun. Chaypaqmi tapukuchwan: “¿Pitaq qillqarqa? ¿Haykapitaq qillqarqa? ¿Pimantaq qillqarqa? ¿Imayna tarikuspantaq qillqarqa? ¿Imataq qillqasqanpa ñawpaqninta utaq qipanta pasarqa?”, nispa.

Ima yachachiwasqanchikpiyá piensasun. Kay tapukuykunapim piensachwan: “¿Imaynataq leesqanchikpi runakuna tarikurqaku? ¿Imayna sunquyuqtaq karqaku? ¿Imaynatam qatipakuyman? ¿Imakunapitaq pantarqaku? ¿Imanasqataq pantasqankuta mana qatipakunaychu?”.

Yachasqanchiktayá ruwayman churasun. Chaytam ruwachwan Diosmanta willakuq lluqsispanchik utaq runamasinchikkunawan parlaspanchik. Chaynata ruwaspanchikmi Salmos 111:10 nisqanta kasukuchkanchik, chaypim nin: “Imapas nisqankunata kasukuqkunaqa yachayniyuqmi kanku”, nispa.

• Kaytapas ruwachwanmi: Vidanchikpi yanapawaqninchik yachachikuykunatam maskananchik. Chaypaqmi yanapawasun semanapi punta kaq huñunakuyninchikpi “Bibliamanta astawan yachanapaq” niqpi rimarinapaq ima ruwasqanchik. Sapa semanam chay partepiqa rikurin tapukuykuna, yuyaymananapaq kaqkuna hinaspa fotokuna.