Bibliatayá espejota hina servichikusun

Jesuspa qatiqnin Santiagom nirqa bibliaqa espejo hina imayna runa kasqanchikta qawakunapaq yanapawasqanchikmanta (Sant. 1:​22-25). Chaynaqa, ¿imaynatam bibliata espejota hina servichikuchwan?

Amayá apurawllamanñaqa leesunchu. Espejopipas apurawllamanña qawakuspaqa manam cuentata qukusunchu imanchikpas allichakuna kasqantaqa. Chaynataqmi bibliata apurawllamanña leespapas mana cuentata qukusunchu imapi cambiananchiktaqa. Chayraykum bibliataqa alli-allimanta leenanchik.

Kikinchik imapi cambiananchiktayá qawakusun. Wakinpiqa espejopi qawakuspam ladonchikpi kaqkunapa mana allichasqa kasqankutapas qawayta qallaykuchwan. Chaynam bibliata leespapas hukkuna imapi cambianallankuta piensayta qallaykuchwan. Chayta ruwaspaqa manam cuentata qukusunchu kikinchik imapi cambiananchikmantaqa.

Amayá pantasqallanchikpiqa piensasunchu. Mana gustasqanchik kaqkunallata espejopi qawakuspaqa hukmanyaruchwanmi. Chaynam bibliata leespa pantasqallanchikpi piensaspapas hukmanyaruchwan. Chaymi leespaqa yuyarinanchik atisqallanchikta ruwanapaq Dios munasqanta (Sant. 3:17).