‘Kasukuq kaytam yacharqa’

Jesusqa haykapipas Jehova Diostaqa kasukurqam (Juan 8:29). Chaynaqa, ¿imanasqataq bibliapiqa nin ‘ñakarisqankunawan kasukuq kayta yachasqanta’? (Heb. 5:8).

Kay allpa pachapi kachkaspanmi Jesusqa hanaq pachapi mana haykapipas pasasqan sasachakuykunapi tarikurqa. Tayta-mamanqa Diosta kuyaspankupas pantaqmi karqaku. Chaywanpas paykunatam kasukunan karqa (Luc. 2:51). Religionkunapi punta apaqkunapa chaynataq mana allin kamachiqkunapa ñakarichisqantaqmi karqa (Mat. 26:59; Mar. 15:15). Chaymantapas llumpayta ñakarichispankum wañuchirqaku. Chaymi bibliapi nin: ‘Humillakuykuspanmi wañunankama kasukuq karqa’, nispa (Filip. 2:8).

Tukuy chay sasachakuykunata mana haykapipas pasasqanraykum nichwan Jesusqa kay pachapi astawanraq kasukuq kayta yachasqanta. Chaymi kunanqa kamachiq hinaspa sacerdotekunapa kamachiqnin kaspa allintapuni entiendewanchik (Heb. 4:15; 5:9). Tukuy chay sasachakuykunawan kasukuq kayta yachasqanraykum Jehova Diospaqqa aswan valorniyuq rikurirurqa. Chaynam ñuqanchikpas sasachakuykuna kaptin kasukuq kaspanchikqa Diospaq aswan valorniyuq kasun (Sant. 1:4).