¿Imakunatam ruwachwan sapa punchaw bibliata leenapaq?

Tukuy ima ruwayniyuq kasqanchikraykum sapa punchaw bibliata leeyqa sasa kanman (Jos. 1:8). Chayna kaptinqa kaykunatam ruwachwan:

• Alarmatam churachwan. Chaywanmi yuyarisun bibliata leenanchik hora kasqanta.

• Suti rikuyllatam churachwan. Papelpi biblianchikta leespaqa suti rikuyllatam churachwan leeyta mana qunqananchikpaq (Deut. 11:18).

• Grabasqatam uyarichwan. Imatapas ruwastinmi grabasqataña biblia leesqanta uyarichwan. Chaytam ruwan wawayuq, precursora hinaspa tutan llamkaq iñiqmasinchik Tara. Paymi nin: “Wasiypi imatapas ruwastin grabasqataña uyarisqaymi yanapawan sapa punchaw leeyta mana qunqanaypaq”, nispa.

• Sapa punchaw leenapaqyá tantiakusun. Tantiasqanchik hora imapas kasqanrayku leeyta mana atispaqa manaraq puñuchkaspayá huk-iskay versiculota leesun. Chaymi aswan allinqa mana leenamantaqa. Aschallata leespapas kallpanchasqam tarikusun (1 Ped. 2:2).