Escuelapim warmachakunata balawan wañuchinku | ¿Imatam biblia nin?

Estados Unidos Texas llaqtapim 2022 watapi mayo killapa 24 punchawninpi warmachakunata wañurachirqaku. Huk periodicopim nin: “Huk runam escuelapi balearurqa 19 warmachakunatawan 2 profesorata”, nispa.

Sapa kutim chayna wañuchinakuykunaqa pasakuchkan. Huk periodicopim nirqa Estados Unidos nacionllapi qayna wata 249 kutikama escuelakunapi warmachakunata baleasqankumanta. Chaynaqa manam pasakurqachu 1970 watamanta kunankamaqa.

¿Imanasqataq kayna mana allinkunaqa pasakuchkan? ¿Imataq yanapawachwan kaykuna pasakuptin mana llumpayta hukmanyarunapaq? ¿Yaqachu haykaqllapas kay mana allinkuna chinkanqa? Bibliam chaykunamanta yachachiwanchik.

¿Imanasqataq runakunaqa mana allinllaña rikurirunku?

•  Bibliam nin tukupay punchawkunapiña kawsasqanchikta. Kay tiempokunapim runakunaqa kananku karqa ‘mana kuyakuqkuna’ hinaspa ‘animal hina piña runakuna’. Bibliaqa nirqataqmi chayna runakuna ‘aswan-aswanraq mana allin ruwaq kanankumanta’ (2 Timoteo 3:1-5, 13) Astawan yachayta munaspaykiqa leey “¿Predijo la Biblia cómo sería la gente en nuestros días?” niq yachachikuyta.

Achka runakunam ninku: “¿Imanasqataq Diosqa saqin kay desgraciakuna pasananta?”, nispanku. Kaykunamanta bibliapa ima nisqanta yachaykunaykipaq leey “¿Por qué le pasan cosas malas a la gente buena?” niq yachachikuyta.

¿Imataq yanapawachwan kaykuna pasakuptin mana llumpayta hukmanyarunapaq?

•  Bibliapim nin: “Ñawpaq tiempopi tukuy ima qillqakusqanqa yachachiwananchikpaqmi qillqasqa kachkan. Chaynapi tukuy imata aguantaspanchik hinaspa Diospa qillqanwan sunqunchikta tiyaykachispanchik Diospa quwananchikta suyananchikpaq”, nispa (Romanos 15:4).

Bibliapa nisqankunam yanapawanchikman kaykuna pasasqanwan mana llumpayta hukmanyarunapaq. Astawan yachanaykipaq leey ¡Despertad! qillqapi “¿Acabará algún día la violencia?” niq yachachikuyta.

Wakinpiqa warmachakunam televisionpi noticiakunata qawaspanku mancharikunku. Chaymi warmaykikunata imaynata yanapanaykipaq leewaq “El efecto de las noticias en los niños” niq yachachikuyta.

¿Yaqachu haykaqllapas kay mana allinkuna chinkanqa?

•  Salmos 72:14 nin: “Sasachakuymantawan ñakariymantam paykunataqa libraykunqa”, nispa.

•  Miqueas 4:3 nin: “Espadankumantam yapunapaq rejakunataña ruwanqaku, lanzankumantapas rutunakunatañam ruwanqaku. Runakunapas manañam peleanqakuñachu, wañuchinakuyqa manañam kanqañachu”, nispa.

Diosllam runapa mana allichay atisqanta allichanqa. Chaypaqmi churin Jesusta hanaq pachamanta kamachimunanpaq churarun chaynapi mana allin ruwaqkunata chinkachinanpaq. Diospa gobiernonmanta astawan yachanaykipaq leeykuy “El Reino de Dios traerá ‘paz en abundancia’” niq yachachikuyta.