Runakunam balawan wañuchinakuy kasqanrayku llakisqallaña kachkanku | ¿Imatam biblia nin chaymanta?

Kay 2022 watapa julio killanpi enteron allpa pachapi achka runakunata balawan wañurachinku:

• “Shinzo Abe sutiyuq ancha riqsisqa runam Japon nacionpi primer ministro karqa. Chay nacionpiqa manam balawan wañuchinakuyqa anchachu, manataqmi armataqa pipas chayllaqa rantikunmanchu. Chayna kachkaptinpas ancha riqsisqa runatam wañurachinku. Chaywanmi llaqtamasinkuna hinaspa enteron pachapi kaqkunapas llakisqa kachkanku” (10 de julio de 2022, The Japan Times).

• “Dinamarca nacionpipas huk runam kimsa runata hatun tiendapi wañurachirqa, chaymi runakunaqa llumpayta mancharikurqaku” (4 de julio de 2022, Reuters).

• “Sudafrica nacionpipas armayuq runakunam tragota rantikunanku wasipi 15 runakunata wañurachirqaku” (10 de julio de 2022, The Guardian).

• “Estados Unidospipas 220 runakunatam balawan wañurachirqaku 4 de julio fiestapi” (5 de julio de 2022, CBS News).

¿Kayna wañuchinakuykunaqa tukunqachu haykapipas? ¿Imatapas biblia ninchu chaymanta?

Wañuchinakuykunaqa tukunqam

Bibliam nin ‘tukupay punchawkunapi’ kawsasqanchikta, kay tiempopi runakunaqa animal hina mana pitapas respetaqkuna hinaspa mana allin ruwaqkunam kananku karqa (2 Timoteo 3:1, 3). Chayna kasqankuwanmi runakunapas mancharisqallaña kanku (Lucas 21:11). Bibliapim ichaqa niwanchik wañuchinakuykunaqa tukuruptin runakuna ‘hawkaña kawsakunankumanta, mana pipa imanasqanña kanankumanta hinaspa hawkayaypa kanan sitiopi kawsakunankumanta’ (Isaias 32:18). Ichaqa, ¿pim wañuchinakuykunata tukuchinqa?

Diosmi chinkachinqa mana allin ruwaqkunata hinaspa armakunata.

• ‘Mana allin ruwaqkunam kay allpa pachamanta chinkachisqa kanqaku’ (Proverbios 2:22).

• “[Diosqa] kay allpapi wañuchinakuytapas chinkachinmi. Flechatapas chaynataq lanzatapas pakipanmi. Peleananku carretakunatapas kañanmi” (Salmos 46:9).

Diosmi runakunata yachachinqa hawka kawsakunankupaq, chaynatam tukuy mana allinkunata qalaypaq chinkachinqa.

• Diosmi nin: “Sapaqchasqay urquypiqa manañam ima mana allintapas ruwanqakuchu. Imaynam lamar quchatapas yaku pampaykun, chaynam kay allpa pachatapas Jehova Diospa yachaynin pampaykunqa”, nispa (Isaias 11:9).

• Kunanpas Jehova Diosqa enteron pachapi runakunatam yachachichkan mana wañuchinakunankupaq hinaspa ‘espadankumantapas yapunapaq rejakunataña ruwanankupaq, lanzankumantapas rutunakunataña ruwanankupaq’ (Miqueas 4:3).

Hawkaña kawsakunanchikmanta bibliapa nisqanmanta astawan yachayta munaspaykiqa leey “¿Es posible librarse del miedo?” niq yachachikuyta.

Wañuchinakuykuna qalaypaq tukunanmanta yachanaykipaq leey “¡Por fin paz en la Tierra!” niq yachachikuyta.