¿Guerraman hukllawakunankuchu Diosta serviqkuna? | ¿Imatam biblia nin?

Ucrania nacionpim runakuna guerrapi kachkanku, chaypim Diosta serviqtukuqkunapas hukllawasqa kachkanku. Iglesiapi sacerdotepas chay guerraman riqkunatam kallpanchan.

• 2022 watapi 16 de marzopi lluqsimuq The Jerusalem Post nisqapaqmi Kiev llaqtamanta Metropolitano Epifanio I nirqa kaynata: “Ucrania nacionninkuta defiendeqkunatam anchata alabaniku hinaspa agradecekuniku. Paykunapaqmi Diosta mañakuniku, hinaspapas sunqullaykupim kachkanku”, nispa.

• “Rusia nacionpi Iglesia Ortodoxapi sacerdotem militarkunapaq huñunakuyta ruwachirqa domingo punchawpi. Chaypim kallpancharqa llaqtankuta hinalla defiendenankupaq. Moscu militarkunañataqmi Ucrania nacionpi hinalla defiendekuchkanku” (Reuters, 3 de abril de 2022).

¿Guerraman hukllawakunankuchu Diosta serviqkuna? ¿Imatam biblia nin?

¿Imatam biblia nin?

Bibliapim niwanchik Jesuspa chiqap qatiqninkunaqa guerraman mana hukllawakusqanta.

• Mateo 26:52 nisqanpim nin: “Espadaykita maymi kasqanman kutiykachiy, espadata hapiqkunaqa espadawanmi wañuchisqa kanqaku”, nispa.

  ¿Yaqachu Jesuspa chayna nisqanta kasukuchkanman guerraman riqkuna utaq yanapaqkuna?

• Juan 13:34, 35 nisqanpim nin: “Musuq kamachikuytam quykichik, kuyanakuychikyá. Imaynam ñuqapas qamkunata kuyarqaykichik chaynayá qamkunapas kuyanakuychik. Qamkuna kuyanakuptikichikmi llapa runakuna yachanqaku qatiqniykuna kasqaykichikta”, nispa.

  ¿Yaqachu guerraman hukllawakuq runaqa Jesuspa nisqanman hina kuyakuq runa kanman?

Astawan yachanaykipaq qaway “El cristianismo y la guerra: ¿son compatibles?” niq yachachikuyta.

Kunan guerramantawan Diosta chiqap serviqkunamanta

Chaynaqa, ¿ciertotachu Diosta chiqap serviqkunaqa guerraman mana hukllawakunku? Arí, manam hukllawakunankuchu. Bibliapim nirqaña ‘tukupay punchawpi’ llapallan nacionmanta runakuna manaña guerraman rinankumanta. Chayqa Jesuspa nisqanwanmi tupan (Isaias 2:2, 4).

• Chaymanta astawan yachanaykipaq Atalaya revistapi leey “¿Qué piensa Dios de las guerras?” niq yachachikuyta.

Pisi tiempollamantañam ‘hawkayay qukuq Diosninchik’a runakunata gobiernaspan ‘ñakariymanta libraykunqa’ (Filipenses 4:9; Salmos 72:14).

• Imaynata chayta ruwananmanta yachanaykipaq qaway ¿Imataq Diospa munaychakuyninqa? sutiyuq videota.