Señorninchik Jesucristowanqa mana allin ruwaqkunaqa manañam kanqachu

Jesusqa yachanmi mana allin ruwaqkunapa ñakarichisqan kay imayna kasqanmanta. Yanqamantam tumpaykurqaku, maqaparqaku, hinaspa mana allinta juiciota ruwaspanku wañurachirqaku. Inocente kachkaspanpas Jesusqa “achka runakunarayku wañunanpaqmi” ofrecekurqa (Mateo 20:28; Juan 15:13). Kunanqa Diospa gobiernonpim kamachichkanña. Manapas unaymantam mana allin ruwaqkunata chinkachinqa hinaspam enteron allpa pachapi runakunata hawkayaypi kawsachinqa (Isaias 42:3).

Bibliam willawanchik Jesus mana allinkunata chinkachiptin imaynaña kawsakunanchikmanta:

• Salmos 37:10, 11 nin: “Ñam chayaykamuchkanña mana allin ruwaqkunapa chinkachisqa kayninkuqa. Maskaspapas paykunataqa manañam tarinkichu. Llampu sunquyuqkunam ichaqa kay allpa pachapi yachanqaku. Paykunaqa kusikuywanmi hawkayaypi kawsakunqaku”, nispa.

¿Imaynatam Jesusta agradecikuchwan tukuy ima ruwasqanmanta chaynataq hamuq tiempopi ruwananmantapas? Hamuq tiempopi Diospa gobiernon imakunata ruwananmanta astawan yachaspanchikmi. Chaymantam señorninchik Jesucristopas yachachirqa (Lucas 4:43). Qawawaqtaqmi “¿Imataq Diospa munaychakuyninqa?” niq yachachikuytapas.