¿Yaqachu pipas confianza kanman? | ¿Ima nintaq bibliapi?

Runakunaqa piñakunkum confianzapaq hapisqanku runa paykunata pantaruptinqa, rimarisun wakinkunamanta:

• Autoridadkunaqa kikillankupaqmi imatapas ruwanku, wakintaqa manam kaqpaqpas hapinkuchu.

• Noticia willakuq runakunapas manam imam kaqtachu willakunku.

• Estudioyuq runakunapas manam runakunapa allinninpaqchu imatapas ruwanku.

• Curakunawan pastorkunapas autoridadkunata yanapaypim rinku Diospa nisqanman hina imatapas ruwanankumantaqa.

Kayqa chiqapmi, manam pitapas chayllaqa confianzapaqqa hapirunachu, bibliapim nin:

• “Ancha riqsisqa runakunapiqa ama hapipakuychu, paykunaqa runallam manam pitapas salvanchu” (Salmos 146:3, Chuya Qellqa, 2012).

¿Kanmanchu pipas confianza?

Bibliapim nin kasqanmanta. Payqa Jesucristom. Payqa manam ñawpaq tiempopi kawsakuq allin runallachu. Bibliapim Jesusmanta nin: “Payqa ancha riqsisqam kanqa [...] kamachinanpaqmi Jehova Dios churanqa, hinaspam [...] wiñaypaq kamachinqa, kamachisqanqa mana tukuqmi kanqa”, nispa (Lucas 1:32, 33). Chaynaqa Diosmi churaykun kamachiq kananpaq. Kunanqa kamachimuchkanñamá hanaq pachamanta (Mateo 6:10).

• Imanasqa Jesus confianza kasqanmanta yachanaykipaq leey kay yachachikuykunata “¿Pitaq Diospa munaychakuyninpi kamachiq kanqa?”, “¿Imaynañam Jesus kamachiptin kawsakusun?”.