¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Bibliamanta yachasqaykikunaqa kaykunapim yanapasunki:
Kusisqa kawsakunaykipaq.
Diospa amistadnin kanaykipaq.
Hamuq punchawkunapi ima pasananmanta yachanaykipaq.
Kaypim kay tapukuykunamanta yachanki:
¿Imaynatam bibliamanta yachachiniku?
Hukkaqnin testigom yachachisunki pisi-pisimanta. Yachachisunkiqa ¿Imaynatam wiñaypaq kusisqa kawsakuchwan? sutiyuq librowanmi. Pisi-pisimantam yachanki biblia imakuna yachachisqanmanta hinaspa yachasqaykikuna imakunapi yanapasusqaykimanta. Astawan yachaykunaykipaq qawaykuy kay videota.
¿Qullqipaqchu?
Manam. Jehova Diospa testigonkunaqa Jesuspa kayna kamachisqantam kasukuniku. “Qamkunaqa mana imallapaqmi chaskirqankichik, mana imallapaqtaqyá quychikpas” nisqanta (Mateo 10:8). Mana qullqillapaqtaqmi bibliapas hinaspa ¿Imaynatam wiñaypaq kusisqa kawsakuchwan? niq libropas.
¿Hayka horataq?
Kay libropiqa suqta chunka yachachikuykunam kachkan. Tiempoyki kasqanman hinallam yachanki. Wakinkuqa sapa yachachikuytam semanapi huk kutita estudianku, wakinninkuñataqmi mastapas.
¿Imaynatataq mañakuyman yachachiwanankupaq?
1. Bibliamanta yachachinaykupaq jw.org nisqantakama willaykamuwayku. Sutikita hinaspa maypi yachasqaykita willamuwasqaykikutaqa yachachisunaykipaq hamuq testigollam yachanqa.
2. Yachachisuqniki testigom qayamusunki. Willasunkim bibliata estudiaspa imayna yachanaykichikmanta, hinaspa ima tapukuynikimantapas.
3. Yachachiqnikiwanmi tantiankichik ima punchawkunapi bibliamanta yachanaykichikpa. Yachawaqchikmi wasikiman watukamusuptiki, telefonontakama, videollamada nisqantakama, hinaspa correo electronico nisqantakamapas. Estudiankichikqa huk ratullam utaq tiempoyki kasqanman hinallam.
¿Yachaykuymanchu imayna kasqanta?
Arí. Chaypaqqa bibliamanta yachachinaykupaq willaykamuwayku. Yachachisuqniki qayamusuptiki willaykuy, imayna kasqanta yachanallaykipaq estudiasqaykimanta. Hinaptinmi yachachisuqnikiqa qusunki ¿Imaynatam wiñaypaq kusisqa kawsakuchwan? niq folletota, kimsa yachachikuyllam chay folletopiqa kachkan.
¿Estudiayta qallaykuspayqa testigoñachu kanay?
Manam. Jehova Diospa testigonkunaqa kusikuywanmi runakunaman yachachinku, ichaqa manam pitapas hikutanikuchu testigo kanankupaqqa. Aswanqa saqinikum yachasqankuman hina kikinku tantiakunankupaq (1 Pedro 3:15).
¿Estudiaymanchu kikiypa bibliaywan?
Arí. Munasqayki bibliawanmi estudiawaq Jehova Diospa testigonkuna imam kaqta yachachiq Traducción del Nuevo Mundo sutiyuq bibliawan yachachiptiykupas. Achka runakunam kikinkupa bibliankuwan estudiayta munanku.
¿Pipas compañawanmanchu estudiaptiy?
Arí. Invitawaqmi aylluykikunata chaynataq amistadnikikunatapas.
Ñawpaqta testigokunawan estudiaqña kaspayqa ¿kaqmanta estudiaymanraqchu?
Arí. Runakunata yanapananpaqmi kay musuq libroqa kachkan. Mana sasachakuspalla entiendenapaqmi dibujokuna, videokunapas kachkan. Chayraykum astawan bibliamanta yachayta munanki.
¿Kanchu yanapakuykuna sapallaypi bibliamanta yachanaypaq?
Arí. Wakinkuqa pipas yachaykachiptinmi bibliamantaqa chaylla yachanku, wakinkum ichaqa sapallanku yachayta munanku. “Bibliata estudianapaq yanapakuykuna” niqpim tarinki yanapakuykunata. Kaykunam wakiqninkuna:
Bibliamanta videokuna. Kay videokunaqa taksalla kaspankupas bibliamantam imam kaqta yachachin.
Bibliamanta tapukuykuna. Kaykunaqa runamasinchikkunapa bibliamanta yachay munasqankumantam willakun.
Internetpi qillqakuna Watchtower. Kaypim Jehova Diospa testigonkunapa llapallan qillqankunata tarinki.