**Allinta yanapanapaq: Yachachiq librowan qawachiy Bibliata imayna estudianamanta**

Imanasqam ancha allin. Achka runakunam Bibliamanta yachachinanchikpaq niptinchik, mana entiendenkuchu imayna kasqanmanta. Ichapas piensanku achka runakunata huñuruspa yachachinanchikta otaq examenkuna qonankumantapas. Chaymi mana munayllachu munachina, aswanqa imayna yachachisqanchiktam qawachina. Iskay-kimsa minutollapi qawachiy allinninpaq hinaspa mana sasa kasqanta.

Imayna ruwanamanta:

Rimakuykuspa wasiyoqta tapuy hamuq tiempomanta ima llakichisqanta.
Niytaq chayqa achka runakunata llakichisqantapas. Hinaspa qawachiy Yachachiq libropa qallariyninpi listata. Chay qellqapim Bibliawan sumaqta yachachichkan hamuq tiempomanta hinaspa hukkunamantapas. Chaymantapas tapuy ima yachachikuymanta astawan yachay munasqanta.
Librota qoykuspa akllasqan yachachikuyta qawachiy. Hinaspa niy chay yachachikuypa qallariyninpi kaq tapukuykunamantapas chay yachachikuypi rimasqanta.
Wasiyoqta niy punta kaq parrafota leenanpaq. Tukuruptinñataq chay parrafomanta tapuy hinaspa rimariychik ima yachachisqanmanta. Yanapaqnin textokunata leespa niy ima yachasqanmanta. Qawachiytaq libroykipi imayna preparakusqaykitapas.
Qatiqnin parrafota leechiy. Ichaqa tapuptiki entiendesqanman hina rimarichun.
Wasiyoqta alabaykuy hinaspa huk kutipiña chay yachachikuyta tukunaykichikpaq niy.
Atikuptinqa qawachiy ¿Imaynatam Bibliamanta yachachiniku? niq videota, chayqa jw.org/quy nisqapim kachkan.

Kayta ruway huk killapuni:

Jehova Diosta mañakuy Bibliamanta yachachiyta qallarisqaykipi yanapasunaykipaq (Filip. 2:13).
Diosmanta willakuspayki huk kutillatapas qawachiy Yachachiq librowan Bibliata imayna estudianamanta otaq qawachiy ¿Imaynatam Bibliamanta yachachiniku? niq videota.