¿Maypitaq Diosqa yachan?

Imatam biblia nin

Diosqa hanaq pachapim yachan. Qaway imatam biblia niwanchik:

Diosta mañakuspanmi kamachiq Salomon kaynata nirqa: ‘Hanaq pacha yachasqaykimantam uyariykamunki’, nispa (1 Reyes 8:43).

Qatiqninkunaman Diosta mañakunankupaq yachachispanmi Jesus kaynata nirqa: “Hanaq pachapi taytayku”, nispa (Mateo 6:9).

Cristo kawsariramuspanmi, ‘yaykurqa hanaq pachamanpunim, [...] Diospa qayllanman’ (Hebreos 9:24).

Bibliapa kayna nisqanmi sutillata qawachin Jehova Diosqa hanaq pachapi kasqanta, manam tukuy hinastinpichu kachkan wakin runakunapa nisqankuman hina.