¿Imanasqataq wañunchik?

Imatam biblia nin

Llapallanchikmi chaymantaqa yachaytaqa munanchik, aswanraqmi kuyasqa ayllunchik wañukuptinqa. Bibliaqa ninmi huchayuq kasqanchikrayku wañusqanchikmanta (1 Corintios 15:56).

¿Imanasqataq huchasapa kanchik hinaspa wañunchik?

Punta tayta-mamanchik Adanwan Evaqa Jehova Diosta mana kasukusqankuraykum wañurqaku (Genesis 3:17-19). Huchallikurusqankuraykum ‘kawsakuyta’ quq Jehova Diosmanta karunchakururqaku, chaymi wañuyta tarirqaku (Salmo 36:9; Genesis 2:17).

Adanpa mirayninkuna kasqanchikraykum ñuqanchikpas huchayuq kanchik. Bibliam nin: “Chullalla runapa huchanwanmi lliw runakuna huchayuq rikurirurqa, huchawantaqmi wañuypas rikurirurqa. Chaynapim wañuyqa lliw runakunaman mirarurqa lliw huchallikurusqankurayku”, nispa (Romanos 5:12). Chaynaqa, llapallanchik huchayuq kasqanchikraykum wañunchik (Romanos 3:23).

Wañuyqa tukunqam

Jehova Diosqa niwanchikmi ‘wañuyta wiñaypaq chinkachinanmanta’(Isaias 25:8) Ichaqa puntatam huchata chinkachinan. Chaypaqmi Jehova Diosqa churin Jesusta kay pachaman kachamurqa ‘llapa runakunapa huchanta pampachananpaq’ (Juan 1:29; 1 Juan 1:7).