¿Creenkuchu testigokunaqa suqta punchawllapi tukuy ima unanchasqa kasqanta?

Manam. Iñinikum Jehova Diosqa tukuy imata unanchasqanpi, ichaqa manam creenikuchu suqta punchawllapi unancharusqanpiqa. ¿Imanasqam chaynata niniku? Wakin runakunam yachachinku Diosqa suqta punchawllapi tukuy ima unanchasqanmanta, ichaqa chayna yachachisqankuqa manam tupanchu bibliapa yachachisqanwanqa. Chaymantayá qatiqninpi yachasun.

1. Suqta punchawpi unanchasqanmanta. Wakin runakunam yachachinku suqta punchawllapi tukuy imata Dios unancharusqanmanta. Bibliam ichaqa huk punchawmanta rimaspanqa wakinpiqa riman waranqantin watamanta (Genesis 2:4; Salmo 90:4).

2. Allpa pacha hayka watayuq kasqanmanta. Wakin runakunam yachachinku allpa pachaqa iskay kimsa waranqa watayuqlla kasqanmanta. Bibliam ichaqa willakun kay pachapi tukuy rikchaq sachakuna, uywakuna hinaspa runapas manaraq unanchasqa kachkaptin hanaq pachawan kay allpa pachaqa kasqanmantaña (Genesis 1:1). Chayraykum allinpaq hapiniku allpa pachaqa wara-waranqantin watayuq kasqanmanta yachaysapa runakunapa nisqankuta.

Jehova Diospa testigonkunaqa tukuy imata Dios unanchasqanpim iñiniku, ichaqa manam yachaysapa runakunapa nisqankutaqa yanqapaqchu hapiniku. Allpa pacha hayka watayuq hinaspa imayna kasqanmanta paykunapa nisqankuqa bibliapi willakusqanwanmi tupan.