BIBLIAMANTA ASTAWAN YACHANAPAQ | JEREMIAS 51, 52
Jehova Diospa tukuy ima nisqanqa cumplikunpunim
Jehova Diosqa willakurqañam Babilonia nacionta ima pasananmanta.
Persia nacionpa palacionta waqaychaq flechayuq soldado
Flechankutam ñawchichaqku
Media nacionniyuq hinaspa Persia nacionniyuq runakunaqa allintam flechawan peleaqku, chaymi flechata astawan servichikuqku. Flechankutam ñawchichaqku imatapas ustunanpaq.
‘Babilonia nacionpi qari-qari soldadonkunaqa manam peleankuñachu’
Cronica de Nabonido nisqa ñawpaq qillqapa nisqanman hinaqa, “kamachiq Ciropa soldadonkunaqa mana peleaspallankum Babiloniaman yaykururqaku”. Chayna nisqanqa tupanmi Jeremiaspa willakusqanwan.
Cronica de Nabonido nisqan ñawpaq qillqa
‘Babiloniaqa tuñiruspam montorayanqa, [...] wiñaypaqmi chunnirayanqa’
Babiloniaqa 539 (J.t.ñ.) watamantapacham purmayta qallaykurqa. Kamachiq Alejandro Magnom munarqa Babiloniaqa nacionninpa capitalnin kananta, ichaqa qunqayllamantam wañururqa. Apostolkunapa tiemponpiqa, Babiloniapiqa yacharqakuraqmi judio runakuna, chaymi apostol Pedro watukuq rirqa. Ichaqa, kimsa pachak wata pasaytam Babiloniaqa chunniqña rikurirurqa.