Punta kaq kuyakuyninchik ama chiriyachunchu
1 Ñawpa Éfeso sutiyoq congregacionmanmi Jesusqa nirqa: “Kaymi contraykipi kachkan: Manañam puntata hinañachu kuyawanki”, nispa (Apo. 2:4). Kay nisqanman hinaqa, achkachusmi Jehová Diostaqa manaña puntata hinañachu kuyachkarqaku. Ñoqanchikpipas Diospaqwan runamasinchikpaqmi kuyakuyninchik masyarirqa Diosmanta cheqapta yacharuptinchik, chaymi kallpanchawarqanchik sumaq suyakuyninchikmanta kusikuywan willakunanchikpaq. ¿Imataq yanapawasun punta kaq kuyakuyninchikta hatallinapaq hinaspa predicayninchikpipas mana chiriyarunapaq?
2 Sapakama Biblia estudiayninchik hinaspa huñunakuykunaman riyninchik: ¿Imaynatam Jehová Diospaq hinaspa runamasinchikpaqpas kuyakuyninchik wiñarqa chayllaraq Bibliamanta cheqapta yacharuptinchik? ¿Manachu Jehová Diosmanta Bibliantakama yachasqanchikrayku? (1 Juan 4:16, 19.) Chaynaqa, kuyakuyninchik yachaywan hinaspa “yuyaywan aswanraq” kananpaqqa hinallam allintapuni yachananchik ‘Diospa sonqonpi kaqkunamanta’ (Fili. 1:9-11; 1 Cor. 2:10).
3 Estudianapaq allin arreglo hatalliyqa sasapunim kanman kay tukupay tiempokunapi sasachakuykuna hinaspa imaymana munaykuna kasqanrayku (2 Tim. 3:1). Allinpunim tiempochakuyqa espiritual mikuyta mikunanchikpaq. Chaymantapas ancha allinmi huñunakuykunaman sapa kuti riyqa, aswanraqmi ‘Señorpa chaylla kutimunanta yachaspaqa’ (Heb. 10:24, 25).
4 Predicayninchikpas: Kusikuywan predicacionman lloqsiyninchikpas yanapawasunmi Diosninchikta hinalla puntata hina kuyananchikpaq. Diospa sumaq noticianmanta predicaptinchikmi sumaq promesankunamanta yuyarinchik, chaymi yanapawanchik suyakuyninchik kallpanchasqa kananpaq hinaspa kuyakuyninchikpas mana chiriyananpaq. Chaymantapas Bibliamanta yachachinapaq allin estudiayninchikmi iñiyninchikta yanapan allin takyasqa kananpaq (1 Tim. 4:15, 16).
5 Jehová Diosqa derechonpim kachkan tukuy imatapas chaskinanpaq, kuyakuyninchiktapas (Apo. 4:11). Amayá kuyakuyninchik chiriyarunantaqa dejasunchu. Punta kaq kuyakuyninchik hinalla kananpaqmi kikinchik sumaqta Bibliata estudiananchik, huñunakuykunaman rinanchik hinaspapas runamasinchikkunamanmi willananchik aswan kuyasqanchikkunamanta (Rom. 10:10).